ინფორმაციას საერთაშორისო მედიები ავრცელებენ.

რატომ არის მნიშვნელოვანი: ელიზაბეთ ჯინ კეროლი აშშ-ის ყოფილ პრეზიდენტს 1996 წელს მომხდარ სექსუალურ ძალადობაში ადანაშაულებს.

  • კეროლის თქმით, ყველაფერი მანჰეტენის უნივერმაღში, Bergdorf Goodman-ის მაღაზიაში დაიწყო, როცა ტრამპმა საჩუქრის ყიდვაში დახმარება და ქალის თეთრეულის მოსინჯვა სთხოვა, შემდეგ კი გასახდელში შეჰყვა და გააუპატიურა.
  • მწერალი და ჟურნალ Elle-ის ყოფილი მიმომხილველი ტრამპისგან ზიანის ანაზღაურებასა და მის მიმართ გაჟღერებული ცილისმწამებლური განცხადებების უარყოფას ითხოვდა.

დეტალები: დონალდ ტრამპი დამნაშავედ ცნეს სექსუალური შევიწროებისა და ცილისწამების ფაქტზე, ხოლო გაუპატიურების ბრალდება სასამართლომ არ გაიზიარა.

  • მედიის ცნობით, ამერიკის ყოფილმა პრეზიდენტმა ჟურნალისტს შევიწროებისთვის ორი მილიონი დოლარი უნდა გადაუხადოს, ხოლო ცილისწამებისთვის — სამი მილიონი.
  • ვერდიქტი ნაფიცმა მსაჯულებმა გამოიტანეს, თავად ტრამპი დანაშაულს არ აღიარებს.