ქართული ანიმაციური ფილმებით, სამწუხაროდ, განებივრებულები არ ვართ, თუმცა შიგა და შიგ გაჩნდება ადამიანი, რომელიც საკუთარ თავზე აიღებს ამ საპასუხისმგებლო საქმეს და კიდევ ერთ ანიმაციურ ფილმს შემატებს ქართულ კინოს.

ერთ-ერთი ასეთი ადამიანი პიტერ თომაძე აღმოჩნდა, რომელმაც გვიჩვენა განშორება, ბრძოლა და თავგანწირვა - გზა რომელმაც მშიშარა შეყვარებული პომიდორი გმირად აქცია.

ქართული ანიმაციური ფილმის სიუჟტი შექსპირის პიესებს თუ არა ბანალურ დრამებს ნამდვილად მოგაგონებთ. ერთი შეხვდით მარტივი ფაბულა დიდი სიყვარულის, გამბედაობისა და გმირობის ამბავს გვიყვება.

შეყვარებულ წყვილს, ბოროტი ფერმერის სახით დიდი მტერი გამოუჩნდა. ერთ დღეს ადამიანი გემრიელი სადილისთვის პომიდორს მოწყვეტს, თუმცა მიჯნური რისი მიჯნური იქნებოდა საყვარელი ადამიანი რომ არ დაეცვა?! ბიჭი პომიდორი ადგა, საკუთარი თავი მოწყვიტა და იმ სახლისკენ გაეშურა, სადაც მის შეყვარებულს შეჭმას უპირებენ. გზად რამდენიმე დაბრკოლების გადალახვაც უწევს, გზა და გზა კი ადამიანის მიერ "გაუბედურებულ" ხილსა და ბოსტნეულსაც ხვდება, რომლებიც საკუთარი თვალით უყურებენ მათივე სახეობის განადგურებას.