ახალი ამბები On.ge

მიხეილ დაუშვილი

6 Mar. 2023, 10:07

დღევანდელი სხდომის დღის წესრიგით განსაზღვრულია მხოლოდ ორი კანონპროექტის განხილვა, უცხოური გავლენის გამჭვირვალობის შესახებ და უცხოელი აგენტების რეგისტრაციის შესახებ. იურიდიულ საკითხთა კომიტეტზე პირველი მოსმენით განხილვამდე ვისარგებლეთ კონსტიტუციით გათვალისწინებული უფლებამოსილებით, საკანონმდებლო ინიციატივის უფლებით და მიმდინარე წლის 2 მარტს წარვუდგინეთ პარლამენტს და ასევე, დავარეგისტრირეთ ალტერნატიული კანონპროექტი ოკუპანტი ქვეყნის რუსეთის გავლენებისგან დაცვის შესახებ და ასევე, სისხლის სამართლის კოდექსში ცვლილებების შეტანის შესახებ და იმავე დღეს აღნიშნული პროექტები წარვუდგინეთ ბიუროს. სამწუხაროდ, დაუსაბუთებელი მიზეზების გამო, არ მოხდა ბიუროს მიერ აღნიშნული საკითხების დღევანდელი კომიტეტის დღის წესრიგში ჩასმა. 

მოგეხსენებათ საკანონმდებლო ინიციატივის უფლება კონსტიტუციით გათვალისწინებული უფლებაა პარლამენტის წევრის და კონსტიტუციით განსაზღვრულია ამ უფლების უზრუნველყოფის პროცედურები და მექანიზმები [...]

ალტერნატიული კანონპროექტი წარვადგინეთ საქართველოს პარლამენტის რეგლამენტის 108-ე მუხლის ზედმიწევნით დაცვით. ბიუროს მთავარი ფუნქცია და ვალდებულება არის საკანონმდებლო პროცესის და პარლამენტის წევრის კონსტიტუციით გარანტირებული საკანონმდებლო ინიციატივის პროცედურული უზრუნველყოფა და ანალოგიური კონსტიტუციის დაცვის ვალდებულება, ასევე, გააჩნია ჩვენს კომიტეტს, იურიდიულ საკითხთა კომიტეტს. 

მოგმართავთ, რომ უზრუნველყოთ კონსტიტუციის დაცვა, კონსტიტუციით დაკისრებული ვალდებულების შესრულება და შექმნათ პირობა, რომ ჩვენს მიერ წარდგენილი რეგლამენტის სრული დაცვით წარდგენილი ალტერნატიული კანონპროექტის განხილვა მოხდეს ძირითად კანონპროექტთან ერთად, წინააღმდეგ შემთხვევაში დაირღვევა კონსტიტუცია.

განაცხადა იურიდიულ საკითხთა კომიტეტის სხდომაზე პარტია საქართველოსთვის წევრმა. კომიტეტზე, სადაც რუსულ კანონს განიხილავენ, არ უშვებენ მედიის წარმომადგენლებს. 

0 0

კომენტარები

კვირის ტოპ-5

  1. 1-ელი მარტიდან, უცხო ქვეყნის მოქალაქეებს საქართველოში დასაქმება ეზღუდებათ
  2. ადამ კადიროვის ავარიის შემდეგ, ჩეჩნეთის ხელისუფლება დუმს
  3. მიხეილ ყაველაშვილმა ნათლისღების დღესასწაულთან დაკავშირებით 159 პირი შეიწყალა
  4. სუს: სიმონ წაქაძის გარდაცვალება უდიდესი ტრაგედია და დანაკლისია ჩვენთვის
  5. რისთვის უნდა გაასამართლოთ ჩემი შვილი? 16 წლის გოგო შეცდა, რომ თქვა სექსუალურად მავიწროებენო? — გიგა ავალიანის საქმეში ფიგურანტი არასრულწლოვანი გოგოს დედა

გირჩევთ

ახლა კითხულობენ

გადახედვა

ამერიკელმა კლდეზე მცოცავმა თოკების გარეშე დაიპყრო ცათამბჯენი Taipei 101

ამერიკელმა კლდეზე მცოცავმა ალექს ჰონოლდმა კვირას ცათამბჯენი Taipei 101 თოკებისა და ნებისმიერი დამცავი აღჭურვილობის…