განცხადებას სპეციალური საგამოძიებო სამსახური ავრცელებს.

რატომ არის მნიშვნელოვანი: გუშინ საგარეო და თავდაცვის კომიტეტებმა რუსულ კანონს მხარი დაუჭირეს, რასაც, პარალელურად, პარლამენტსა და მიმდებარე ტერიტორიაზე ჟურნალისტები და არასამთავრობო სექტორის წარმომადგენლები ვაპროტესტებდით.

  • კომიტეტების სხდომაზე არ შეგვიშვეს მედია, NGO-ები, კრიტიკულად განწყობილი დეპუტატები, თუმცა შეუშვეს ანტიდასავლური მოძრაობის, ხალხის ძალის წევრები და ქართულ ოცნებასთან აფილირებული ე.წ. უფლებადამცველები.
  • პოლიციამ დააპატიმრა აქციაზე მისული 36 ადამიანი, მედიის წარმომადგენლები და აქტივისტები — უმეტესად იმიტომ, რომ კონსტიტუციით მინიჭებული გამოხატვის თავისუფლებით სარგებლობდნენ და მონასა და მოღალატეებს იძახდნენ. 29 მათგანი ისევ პატიმრობაში რჩება.
  • ხოლო მედიაზე, რომელიც პარლამენტში მიმდინარე პროცესებს აშუქებდა, იძალადეს — საკანონმდებლო ორგანოს ეზოდან ძალის გამოყენებით გამოაგდეს On.ge-ის მთავარი რედაქტორი, ნეტგაზეთის ჟურნალისტი და ფორმულას ფოტოგრაფი.
  • აქციაზე დააკავეს ტაბულას ჟურნალისტი, ბექა ჯიქურაშვილი და პუბლიკას დირექტორი, ზურა ვარდიაშვილი.
  • მუშაობისას დაშავდა TV პირველის ოპერატორი, რომელმაც შეტაკებების დროს მიიღო დაზიანებები და აღენიშნება ფეხისა და თავის ტრავმა.

დეტალები: საგამოძიებო სამსახურის ცნობით, საქმე ეხება აქციის ორი მონაწილის (ბ.გ-სა და და ნ.ნ-ს) მიმართ პოლიციელების მხრიდან უფლებამოსილების შესაძლო გადამეტებას.

  • გამოძიება სსკ-ის 333-ე მუხლის მესამე ნაწილის ბ ქვეპუნქტით დაიწყო, რაც ძალადობით ან იარაღის გამოყენებით სამსახურებრივი უფლებამოსილების გადამეტებას გულისხმობს.