ინფორმაციას ამის შესახებ მოძრაობა სირცხვილია ავრცელებს.

დეტალები: რეზო ბოჭორიშვილი აქტიურად მონაწილეობდა პროევროპულ აქციებში და მუდმივად თან ჰქონდა ევროკავშირისა და NATO-ს დროშები.

  • "თავისთან იხმობდა ახალგაზრდებს და ცოტა ხნით მედროშედ აქცევდა ხოლმე. ამბობდა, რომ ისინი მომავლის მედროშეები უნდა გამხდარიყვნენ. რეზო ბაბუს ვპირდებით, რომ მის მიერ აღმართული დროშა მუდამ ღირსეულად და ამაყად იფრიალებს თავისუფალ საქართველოში".
  • "სწამდა თავისუფალი, გამთლიანებული და ევროპული საქართველოს იდეის და მიიჩნევდა, რომ ქვეყნის სამსახურში ყოფნა თითოეული პატრიოტის ვალია. მან კი თავისი ვალი რუსთაველის გამზირზე 9 აპრილს, 20 ივნისს და საქართველოსთვის სხვა უმნიშვნელოვანეს დღეებში მოიხადა", — წერს მოძრაობა.
  • სირცხვილიას ინფორმაციით, ოჯახს მისი გადასვენება ტყიბულში უწევს და მოქალაქეებს მათი დახმარებისკენ მოუწოდებს.
  • მსურველებმა შეგიძლიათ თანხა მითითებულ ანგარიშის ნომერზე ჩარიცხოთ — GE45TB7698045061100093