სამშაბათს ფინეთმა რუსეთთან 200 კილომეტრიანი სასაზღვრო ღობის მშენებლობა დაიწყო.

რატომ არის მნიშვნელოვანი: სასაზღვრო ღობე უსაფრთხოების გაძლიერების მიზნით შენდება.

  • ფინეთს რუსეთთან 1340 კმ სიგრძის საზღვარი აქვს, ყველაზე დიდი ევროკავშირის ქვეყნებს შორის. ტერიტორიის უმეტესობა დაცული იყო მსუბუქი ხის ღობეებით.
  • რუსეთში გამოცხადებული საყოველთაო მობილიზაციის შემდეგ, ფინეთში რუსების არალეგალური მიგრაციის რიცხვი მკვეთრად გაიზარდა.

დეტალები: სასაზღვრო დაცვის ცნობით, მავთულხლართებიანი ღობე 3 მეტრის სიმაღლის იქნება.

  • იმატრას სასაზღვრო გადაკვეთაზე სამუშაოები ტყის გაწმენდით დაიწყო, ხოლო გზის მშენებლობა და ღობეების დამონტაჟება მარტში იგეგმება.
  • გალავნის გარკვეულ მონაკვეთებზე ღამის ხედვის კამერები, განათებები და დინამიკები დამონტაჟდება.

ამასთანავე, ფინეთის პარლამენტი კენჭს უყრის კანონპროექტს, რომელიც ქვეყნის NATO-ში გაწევრიანების პროცედურას დააჩქარებს.

  • განცხადებული სამხედრო ნეიტრალიტეტის მიუხედავად, რუსეთის უკრაინაში შეჭრის შემდეგ, ფინეთმაც და შვედეთმაც გადაწყვიტეს NATO-ს შეერთდებოდნენ.
  • ფინეთის და შვედეთის წინადადებები თავდაცვით ბლოკში გაწევრიანების შესახებ ჯერ არ დაუმტკიცებიათ თურქეთს და უნგრეთს.