ამის შესახებ ინფორმაციას შინაგან საქმეთა სამინისტრო ავრცელებს.

რატომ არის მნიშვნელოვანი: უწყების ცნობით, დაკავებულთა შორის სამს ბრალად ედებათ წინასწარი შეთანხმებით ჯგუფის მიერ ჩადენილი დიდი ოდენობით ძარცვა.

  • ხოლო ორი პირი დაკავებულია წინასწარი შეთანხმებით ჯგუფის მიერ ჩადენილი დიდი ოდენობით ძარცვის და წინასწარი შეთანხმებით ჯგუფის მიერ ორი ან მეტი პირის მიმართ ჩადენილი თავისუფლების უკანონო აღკვეთის ბრალდებით.
  • დანაშაულები 4-დან 11 წლამდე ვადით თავისუფლების აღკვეთას ითვალისწინებს.

დეტალები: უწყების ცნობით, 1996 და 1989 წელს დაბადებული კიდევ ორი პირის ადგილსამყოფლის დადგენისა და დაკავების მიზნით გრძელდება შესაბამისი ოპერატიული ღონისძიებები და საგამოძიებო ქმედებები.

  • მათივე განმარტებით, ბრალდებულებმა ძალადობის მუქარით, მართლსაწინააღმდეგოდ გაიტაცეს ფერმიდან 600 ცხვარი.
  • შსს-ს თქმით, მომხდარი კონფლიქტის გარკვევის და დავის მოგვარების მიზნით, დაზარალებულმა მხარემ კრიმინალურ ავტორიტეტს მიმართა.
  • ამბობენ, რომ ბრალდებულებმა უკანონოდ აღუკვეთეს თავისუფლება მწყემსებს, რის შემდეგაც მართლსაწინააღმდეგოდ დაეუფლნენ 1068 ცხვარს.
  • "პოლიციამ ნივთმტკიცებად ამოიღო აკ-74-ის სისტემის ავტომატური ცეცხლსასროლი იარაღი, მჭიდი და ვაზნები, აგრეთვე, ნაგანის სისტემის პისტოლეტი ვაზნებით, რომლებიც ბრალდებულებმა, სავარაუდოდ, მიმალვის დროს თავიდან მოიშორეს", — ნათქვამია განცხადებაში.
  • გამოძიება საქართველოს სისხლის სამართლის კოდექსის 178-ე, 236-ე და 143-ე მუხლებით მიმდინარეობს.