ინფორმაციას ამის შესახებ საერთაშორისო მედიები ავრცელებენ.

რატომ არის მნიშვნელოვანი: შვედეთმა NATO-ს გაწევრიანების მოთხოვნით მას შემდეგ მიმართა, რაც რუსეთი უკრაინაში შეიჭრა.

  • NATO-მ ალიანსში გასაწევრიანებლად ფინეთი და შვედეთი ოფიციალურად 2022 წლის 29 ივნისს მიიწვია.
  • თუმცა იმისთვის, რომ ქვეყანა ორგანიზაციის წევრი გახდეს, თურქეთის თანხმობაცაა საჭირო.
  • BBC-ის ცნობით, ერდოღანის ასეთი რეაქცია მოჰყვა შვედეთში გამართულ საპროტესტო აქციას, სადაც მონაწილეებმა ყურანი დაწვეს.
  • "გასაგებია, რომ ისინი, ვინც ჩვენი ქვეყნის საელჩოს წინ ასეთი ზიზღი გამოიწვია, მათ განცხადებასთან დაკავშირებით ჩვენგან კეთილგანწყობას აღარ უნდა ელოდოს", — განაცხადა თურქეთის პრეზიდენტმა.

დეტალები: მედია წერს, რომ ერდოღანმა დაგმო ბოლო საპროტესტო აქცია, რომელიც განხორციელდა დანიის პარტიის ულტრამემარჯვენე პოლიტიკოსის მიერ, როგორც მკრეხელობა, რომელიც არ უნდა იყოს დაცული სიტყვის თავისუფლებით.

  • BBC წერს, რომ პროტესტი გააკრიტიკეს შვედეთის მთავრობაშიც.
  • "შვედეთს აქვს გამოხატვის თავისუფლება, მაგრამ ეს არ ნიშნავს იმას, რომ შვედეთის მთავრობა ან მე მხარს ვუჭერთ გამოთქმულ მოსაზრებებს", — თქვა შაბათს შვედეთის საგარეო საქმეთა მინისტრმა ტობიას ბილსტრომმა.
  • ნატოს გენერალურმა მდივანმა იენს სტოლტენბერგმა განაცხადა, რომ გამოხატვის თავისუფლება ნატოს ქვეყნებში "ძვირფასი საქონელია" და რომ ეს ქმედებები, მიუხედავად იმისა, რომ შეუსაბამოა, არ არის "ავტომატურად უკანონო".