ამის შესახებ CNN წერს.

რატომ არის მნიშვნელოვანი: ვაგნერის ჯგუფი რუსეთის არმიის არაოფიციალური სამხედრო დანაყოფია, რომელსაც მჭიდრო კავშირები აქვს პრეზიდენტ ვლადიმერ პუტინთან.

  • უკრაინის ომის დაწყების შემდეგ მათი საქმიანობა ბევრად უფრო საჯარო გახდა.
  • გარდა უკრაინისა, დაჯგუფება ბოლო დროს აქტიურობდა სირიასა და აფრიკის ქვეყნებში და არაერთხელ იყო ბრალდებული ომის დანაშაულებსა და ადამიანის უფლებების დარღვევაში.
  • ეს სამხედრო დანაშაულები მოიცავს ადამიანების მასობრივ მკვლელობასა და წამებას.
  • გერმანული დაზვერვა ეჭვობს, რომ ვაგნერის დაქირავებულები ასევე მონაწილეობდნენ ბუჩაში მშვიდობიანი მოსახლეობის მკვლელობაში.
  • დოქტორი რამანი ამბობს, რომ უკრაინის ფარგლებს გარეთ, ვაგნერ ჯგუფს ჰყავს დაახლოებით 5000 დაქირავებული ჯარისკაცი, რომლებიც მოქმედებენ მთელ მსოფლიოში.
  • ჯგუფი არსად არ არის რეგისტრირებული, როგორც იურიდიული პირი, რაც რუსეთს საშუალებას აძლევს ჯგუფიდან დისტანცირდეს და მათ ჩრდილქვეშ იმოქმედოს.

დეტალები: აშშ-ს ეროვნული უშიშროების საბჭოს სტრატეგიული კომუნიკაციების კოორდინარტორმა, ჯონ კირბიმ განაცხადა, რომ გარდა დაჯგუფების საერთაშორისო კრიმინალურ ორგანიზაციად აღიარებისა, მათ მიმართ და ასევე ვინც დაჯგუფებას მხარს უჭერს, მომდევნო კვირას დამატებით სანქციებს გაატარებენ.

  • მედიის ცნობით, აშშ-მ გაასაჯაროვა ფოტოები, სადაც ჩანს, რომ მატარებელი რუსეთიდან მიემართება ჩრდილოეთ კორეაში, რათა დაჯგუფებას იქიდან რაკეტები წამოეღოთ.
  • კირბის თქმით, მიუხედავად იმისა, რომ აშშ-ს არ სჯერა, რომ აღჭურვილობამ შეცვალა ბრძოლის ველის დინამიკა უკრაინაში, მოელის, რომ ასეთი ტიპის იარაღის სისტემების მიწოდება ჩრდილოეთ კორეიდან რუსეთში გაგრძელდება.
  • "ეს ქმედებები აღიარებს ტრანსკონტინენტალურ საფრთხეს, რომელსაც ვაგნერი უქმნის, მათ შორის, მისი სერიოზული კრიმინალური აქტივობის მუდმივი ნიმუშით", — განაცხადა ჯონ კირბიმ.