ინფორმაციას ფინანსთა სამინისტროს საგამოძიებო სამსახური ავრცელებს.

რატომ არის მნიშვნელოვანი: უწყების ცნობით, ბრალდებულები რძის პროდუქტების მწარმოებელი ერთ-ერთი კომპანიიდან მიზერულ ფასად ყიდულობდნენ ვადაგასულ და საკვებად უვარგის პროდუქტებს, რომლებიც თითქოსდა, უნდა გამოეყენებინათ ცხოველთა საკვებად.

  • ნაცვლად ამისა, ისინი რძის პროდუქტებს უცვლიდნენ სასაქონლო იერსახეს, რის შემდეგაც ვადაგასულ, უხარისხო საქონელს თბილისში, საცხობებში, ნახევარფაბრიკატების დამამზადებელ საწარმოებსა და სავაჭრო ობიექტებში ყიდდნენ.

დეტალები: საგამოძიებო სამსახურის ინფორმაციით, რეალიზაციისათვის განკუთვნილი, დაახლოებით, 6 ტონა ვადაგასული რძის პროდუქტი ამოიღეს.

  • დანაშაული სსკ-ის 219-ე მუხლის მე-2 ნაწილით ისჯება და 2 წლამდე პატიმრობას ითვალისწინებს.