საგარეო უწყების განმარტებით, ელჩების ყოველწლიურ კონფერენციაზე თანამდებობის პირთა განლაგების წესი მსოფლიოში აღიარებულია.

რატომ არის მნიშვნელოვანი: დღეს, თბილისში ელჩების კონფერენცია გაიმართა.

  • შეხვედრას მაღალი რანგის დიპლომატიური პირები ესწრებოდნენ, იგეგმებოდა საქართველოს პრეზიდენტის სიტყვით გამოსვლა.

  • პრეზიდენტის ადმინისტრაციაში ამბობენ, რომ ზურაბიშვილი შეხვედრას პროტოკოლით გათვალისწინებული ადგილების რიგითობის "უხეში დარღვევის" გამო არ დაესწრო.

დეტალები: საგარეო საქმეთა სამინისტრო განცხადებით, ღონისძიებაზე განსაზღვრული იყო 4 ცენტრალური ადგილი.

  • სადაც პრეზიდენტის ადგილი გამოყოფილი იყო ცენტრალურ სკამზე, პრეზიდენტის მარცხნივ გათვალისწინებული იყო საქართველოს პრემიერ მინისტრის, ხოლო მარჯვნივ საქართველოს პარლამენტის თავმჯდომარის ადგილი.
  • უწყებაში იმედს იტოვებენ, რომ ეს "ტექნიკური გარემოება" პრეზიდენტს დიპლომატებთან სამომავლო მაღალი დონის შეხვედრებში ხელს არ შეუშლის.