ინფორმაციას BBC რუსეთის თავდაცვის სამინისტროზე დაყრდნობით ავრცელებს.

რატომ არის მნიშვნელოვანი: რუსებმა ენგელსის საჰაერო ბაზა არაერთხელ გამოიყენეს უკრაინის სხვადასხვა ობიექტზე სარაკეტო დარტყმებისთვის მას შემდეგ, რაც რუსეთი უკრაინაში შეიჭრა.

  • კრემლი ადრეც ადანაშაულებდა უკრაინას თავდასხმაში, მაგრამ ბოლო ინციდენტები რუსეთის ტერიტორიაზე უფრო ღრმად დაფიქსირდა.
  • უკრაინელ სამხედროებს თავდასხმის შესახებ ოფიციალური განცხადება არ გაუკეთებიათ, თუმცა საჰაერო ძალების სპიკერმა, იური იჰნატმა თქვა, რომ აფეთქებები იმის შედეგია, რასაც რუსეთი უკრაინულ მიწაზე აკეთებს.

დეტალები: რუსეთის თავდაცვის სამინისტროს ცნობით, საჰაერო თავდაცვამ თვითმფრინავი ენგელსის ბაზასთან ჩამოაგდო, მაგრამ ნამსხვრევების ჩამოვარდნამ სასიკვდილოდ დაჭრა ბაზის სამი თანამშრომელი.

  • ბაზა უკრაინის საზღვრიდან ჩრდილო-აღმოსავლეთით 650 კილომეტრში მდებარეობს.
  • უკრაინის საჰაერო ძალების სპიკერმა თქვა, რომ აეროდრომის სატელიტური სურათები მალე გამოავლენს ორშაბათის თავდასხმის სრულ ზარალს და დასძინა, რომ ადრეულმა აფეთქებებმა ბაზაზე თვითმფრინავი დააზიანა.