ამის შესახებ ექიმმა დეპუტატის მონახულების შემდეგ განაცხადა.

რატომ არის მნიშვნელოვანი: ერთიანი ნაციონალური მოძრაობის დეპუტატმა შიმშილობა მიხეილ სააკაშვილის სამკურნალოდ სხვა ქვეყანაში გადაყვანის მოთხოვნით 15 დეკემბერს დაიწყო.

  • შიმშილობა წითლიძესთან ერთად კიდევ ორმა დეპუტატმა დავით კირკიტაძემ და აბდულ ისმაილოვმა დაიწყეს, მათ მოგვიანებით თემურ ჯანაშიაც შეუერთდა.
  • თუმცა ისმაილოვმა, ჯანაშიამ და კირკიტაძემ შიმშილობა რამდენიმე დღეში, ჯანმრთელობის მდგომარეობის გაუარესების გამო შეწყვიტეს.

დეტალები: ექიმის განცხადებით, დეპუტატს დეკომპენსაციის პერიოდი დაეწყო, რაც იმას ნიშნავს, რომ ორგანიზმი შიმშილობის პროცესს ვეღარ ასტაბილურებს.

  • მისივე თქმით, პაციენტი განსაკუთრებით მძიმედ გამოიყურება და აღენიშნება ინტოქსიკაციის ნიშნები.
  • "გაძლიერებულია თავბრუსხვევა, გულისრევა, სისუსტე, ადვილად დაღლა, გონებაგაფანტულობა, აპათია, ძილიანობა, კანი ჰიპერემიულია, თვალები შეშუპებული და ჩვარდნილი, ენა მშრალი, ორგანიზმს უჭირს შიმშილთან გამკლავება", — განაცხადა ექიმმა.
  • მან აღნიშნა, რომ პროცესი უკვე ძალიან მძიმედ მიდის და შიმშილობის შეწყვეტის რეკომენდაცია გასცა.