2017 წლის ნოემბერში ეკრანებზე აგატა კრისტის დეტექტივის ახალი ეკრანიზაცია გამოვა.

ფილმის, მკვლელობა აღმოსავლეთის ექსპრესში, ახალ ვერსიაში ჰოლივუდის ნამდვილი თანავარსკვლავედი მოიყრის თავს, მათ შორის: პენელოპე კრუზი, ჯონი დეპი, ჯუდი დენჩი, მიშელ ფაიფერი, უილიამ დეფო და კენეტ ბრანა.

კენეტ ბრანას რეჟისორობით გადაღებული ფილმი 1974 წელს შექმნილი კინოსურათის რიმეიქი იქნება. პირველ ვერსიაში ვარსკვლავთა მთელმა არმიამ მოიყარა თავი, მათ შორის იყვნენ: ინგრიდ ბერგმანი, ლოურენ ბეკოლი, ვანესა რედგრეივი, შონ კონერი და ჟაკლინ ბისე.