ქუჩების რეაბილიტაცია ალბათ სასიხარულო ამბავი უნდა იყოს. თუმცა, როცა წარმოიდგენ, რამხელა დისკომფორტი შეგექმნება უახლოესი რამდენიმე თვის (იმედია!) განმავლობაში, ძნელია, ბედნიერი შეხვდე ამ ამბავს. მით უმეტეს, რომ დიდია ალბათობა, გადათხრილ ქუჩაზე სხვებმა ნერვებიც გადაგითხარონ. აი, მაგალითად, მან...

1. მანქანის სავალ ნაწილზე რომ გადადის თავდაჯერებული

ფოტო: Giphy

რას იზამ, სილამაზე მსხვერპლს მოითხოვს — ფეხსაცმელების სილამაზეც, მათ შორის. ისე, მეტისმეტად სახიფათო ამბავი კია მანქანების გვერდზე სიარული.

2. საერთოდაც მანქანით რომ მიდის

ფოტო: Giphy

რა ედარდებათ!

3. მოპედით გადაადგილებას რომ ცდილობს ამაოდ

ფოტო: Giphy

როცა არც მიწისა ხარ, არც ცისა.

4. წყვილში (ან უარესი — ტრიოში) რომ მიაბიჯებს

ფოტო: Giphy

არა, სულ არ კეტავ გზას!

5. შუა გზაზე რომ ჩერდება ნაცნობის მოსაკითხად

ფოტო: Giphy

იქნებ ტელეფონით გეცადათ 2004-ში მომხდარი კურიოზის გახსენება?

6. ტანგოს რომ გეცეკვება

ფოტო: Tenor

არასდროს არ ენდო საკუთარ ინტუიციას, როცა საქმე გზის სავალი ნაწილის არჩევას ეხება.

7. შენ წინ რომ ისე ნელა მიდის, კუც კი გაუსწრებდა

ფოტო: Giphy

ეს სამსახურში დაგვიანების საპატიო მიზეზად უნდა ითვლებოდეს, უდავოდ.

8. სულ გაკვრა-გამოკვრით რომ იკვლევს გზას

ფოტო: Giphy

შენ წარმოიდგინე და ჩვენც გვეჩქარება.

9. მთელი გზა რომ წუწუნებს და ილანძღება

ფოტო: Giphy

პრინციპში, მშვენიერი თავშესაქცევი კია, სანამ შენ წინ მყოფი ნაბიჯის გადადგმას საშველს დააყენებდეს.

10. მთელი გზა რომ წუწუნებს და ილანძღება, ოღონდ რუსულად

ფოტო: Tenor

უკომენტაროდ.