თურქული კომპანია Baykar-ის გენერალურმა დირექტორმა, ჰალუკ ბაირაქტარმა უკრაინის მხარდაჭერაზე BBC-სთან ისაუბრა.

რატომ არის მნიშვნელოვანი: რუსეთის შეჭრის შემდეგ ბაირაქტარი უკრაინელების წინააღმდეგობის ერთ-ერთ სიმბოლოდ იქცა.

  • კომპანიამ უკრაინას დრონები რამდენჯერმე უფასოდ გადასცა.
  • მათ ლიეტუვას და პოლონეთს უკრაინისთვის ნაყიდ ბაირაქტარებში ფული არ გამოართვეს.

დეტალები: ჟურნალისტმა კომპანიის დირექტორს ჰკითხა, მიყიდდა თუ არა დრონებს რუსეთს, თუ ის დიდ თანხას შესთავაზებდა.

  • ბაირაქტარმა უპასუხა, რომ ფული მათთვის მნიშვნელოვანი არაა და ისინი მხარს უჭერენ უკრაინას, რომელიც ამჟამად უსამართლო და გაუმართლებელი თავდასხმის ქვეშ იმყოფება.
  • "ჩვენი მეგობრობა და თანამშრომლობა უკრაინასთან უკვე მრავალი წელია გრძელდება. ამიტომ, რაც არ უნდა შემოგვთავაზონ [რუსებმა], გულწრფელად რომ ვთქვათ, ამ ვითარებაში [დრონების მოსკოვისთვის] გადაცემის საკითხი გამორიცხულია".
  • "ამ პერიოდში მთელი ჩვენი მხარდაჭერა მთლიანად უკრაინის მხარესაა".
  • როგორც ჟურნალისტი წერს, ინტერვიუდან ჩანს, რომ ძმებ ბაირაქტარებსა და რუსეთს შორის თანამშრომლობა არ იქნება, ყოველ შემთხვევაში იქამდე, სანამ რუსული ჯარები უკრაინაში იქნებიან.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება მსოფლიოში.