უკრაინის პროკურატურამ დაშავებული და დაღუპული ბავშვების შესახებ ინფორმაცია განაახლა. თუმცა მონაცემები საბოლოო არ არის, რადგან დაბომბვის ადგილების შემოწმება აქტიური საომარი მოქმედებების ზონებში და დროებით ოკუპირებულ ტერიტორიებზე ვერ ხერხდება.

რატომ არის მნიშვნელოვანი: პუტინის გაუმართლებელ ომს, რომელიც თითქოსდა დემილიტარიზაციას ემსახურება, მშვიდობიანი მოქალაქეები, მათ შორის, ბავშვებიც ეწირებიან.

  • რუსებმა არაერთხელ დაბომბეს დასახლებები, ევაკუაციის სივრცეები და თავშესაფრები, წარწერით "ბავშვები".
  • ეს კიდევ ერთხელ უსვამს ხაზს ოკუპანტების სისასტიკეს და იმას, რომ პუტინი საკუთარი მიზნების მისაღწევად არაფერს ერიდება.

რიცხვებში: ომის დაწყებიდან დღემდე 362 ბავშვი დაიღუპა, 1078-ზე მეტი ბავშვი დაშავდა, მათ შორის:

  • დონეცკის ოლქში — 376;
  • ხარკოვის ოლქში — 202;
  • კიევის ოლქში — 116;
  • ჩერნიგოვის ოლქში — 68.

დეტალები: პროკურატურის ცნობით, 17 აგვისტოს მტრის ჭურვი საცხოვრებელ კორპუსს მოხვდა, რის შედეგადაც, 13 წლის ბიჭი დაიღუპა. დაშავდა 4 ბავშვი.

  • გარდა ამისა, უწყების ინფორმაციით, ოკუპანტების მიერ დაბომბვის შედეგად 2328 სასწავლო დაწესებულება დაზიანდა, მათგან 289 მთლიანად განადგურდა.

გაეროს განცხადებით, ომი დამანგრეველ გავლენას ახდენს უკრაინის 7,5 მილიონ ბავშვზე.

  • ორგანიზაციის მონაცემებით, უკრაინელ ლტოლვილთა რიცხვი 9 მილიონს გადასცდა, მათგან თითქმის ნახევარი ბავშვია.