ქართული ოცნების წევრმა, გივი მიქანაძემ განაცხადა, რომ ამ პროცესში მხოლოდ იმ ორგანიზაციებს შეუძლიათ მონაწილეობის მიღება, რომლებიც "ნეიტრალიტეტს" ინარჩუნებენ.

რატომ არის მნიშვნელოვანი: საია-ს თავმჯდომარის, ნიკა სიმონიშვილის განცხადებით, სამუშაო ჯგუფში იმ ორგანიზაციის არმიწვევა, რომელიც კონკრეტულად არჩევნების საკითხებზე მუშაობას, გაუგებარი და მიუღებელია.

  • ის ამას ერთპარტიულ, დისკრიმინაციულ გადაწყვეტილებას უწოდებს, რომელსაც არაფერი აქვს საერთო დემოკრატიულ პროცესებთან.

დეტალები: გივი მიქანაძე ამტკიცებს, რომ სამართლიანმა არჩევნებმა "ნეიტრალიტეტი" მაშინ დაკარგა, როცა პრემიერმინისტრის გადადგომისა და ტექნიკური მთავრობის ჩამოყალიბების მოთხოვნით გამართულ აქციას შეუერთდა.

  • მმართველი პარტიის წევრი იხსენებს 2020 წლის არჩევნებსაც, როდესაც ორგანიზაციას პარალელურ დათვლასთან დაკავშირებით ხარვეზი ჰქონდა, ქართული ოცნება კი ამტკიცებდა, რომ ISFED-მა შედეგები "გააყალბა".
  • "ჩვენ გვაქვს საუბარი ორგანიზაციაზე, რომელმაც გააყალბა, პირდაპირ ამ სიტყვის მნიშვნელობით, პარალელური დათვლის შედეგები, დამალა 7 კვირის განმავლობაში და ამით სახელმწიფოსა და ქვეყნის იმიჯი შელახა", — აცხადებს მიქანაძე.