ოკუპირებულ დონეცკის სასამართლომ 5 დატყვევებულ უცხოელ მებრძოლს ბრალი 15 აგვისტოს წაუყენა. ინფორმაციას რუსეთის სახელმწიფო მედია TASS ავრცელებს.

რატომ არის მნიშვნელოვანი: ეს პირველი შემთხვევა არ არის, როდესაც რუსეთთან მებრძოლების წინააღმდეგ ასეთი განაჩენი გამოაქვთ.

დეტალები: მარიუპოლში დატყვევებულებს შორის სიკვდილით დასჯა ბრიტანეთის მოქალაქეს, ჯონ ჰარდინგს, ხორვატიის მოქალაქე ვიეკოსლავ პრევეგსა და შვედეთის მოქალაქე, მატიას გუსტაფონს ემუქრებათ.

  • ბრალი ბრიტანეთის კიდევ ორ მოქალაქეს აქვს წაყენებული.
  • მოსამართლემ განაცხადა, რომ სასამართლო პროცესი ოქტომბრის დასაწყისში განახლდება

საპასუხოდ, ხორვატიის საგარეო საქმეთა სამინისტრო აცხადებს, რომ ბრალდება დაუსაბუთებელია და ის საერთაშორისო სამართალს ეწინააღმდეგება.