გერმანიის კანცლერის თქმით, ეს "პურინის ომია" და ევროკავშირმა უკვე დააწესა მრავალი სანქცია რუსეთის პრეზიდენტთან დაახლოებული ადამიანების წინააღმდეგ.

რატომ არის მნიშვნელოვანი: ევროკავშირის ქვეყნების უმეტესობა ახლა რუსეთის მოქალაქეებისთვის ტურისტულ ვიზებს გასცემს, მაგრამ ტურისტების ნაკადი მნიშვნელოვნად შემცირდა.

  • ევროკავშირის ქვეყნებსა და რუსეთს შორის პირდაპირი საჰაერო მიმოსვლა არ არის.
  • უკრაინის პრეზიდენტი ვოლოდიმირ ზელენსკი მოუწოდებს დასავლეთს, რუსეთის მოქალაქეებს მათ ქვეყანაში შესვლა აუკრძალონ.
  • უკრაინის საგარეო საქმეთა მინისტრი დმიტრო კულება აცხადებს, რომ რუსეთის მოქალაქეებს უნდა ჩამოერთვათ საერთაშორისო საზღვრების გადაკვეთის უფლება, სანამ მათ პატივისცემას არ ისწავლიან.

დეტალები: ამის შესახებ შოლცმა ბერლინში გამართულ პრესკონფერენციაზე ისაუბრა.

  • ის აღნიშნავს, რომ რუსეთის ყველა მოქალაქის მიმართ ზომების დაწესებას გამართლებულად არ თვლის.
  • "თუ სანქციები მიმართული იქნება ყველას, მათ შორის უდანაშაულოების წინააღმდეგ, მაშინ ეს მათ ეფექტურობას შეასუსტებს".

DW წერს, რომ კანცლერის განცხადებით, "რუსეთის პრეზიდენტი ეკისრება პასუხისმგებლობას ამ ომზე", მაგრამ არ უპასუხა კითხვას პირადად უნდა აგოს თუ არა პუტინმა თავის ქმედებებზე პასუხი.

  • მისივე თქმით, გერმანიამ დაარღვია ტრადიცია, რომ არ მიეწოდებინა იარაღი კონფლიქტის ზონებში, უკრაინაში იარაღის მიწოდებით, რათა დაეხმაროს კევს რუსეთთან ბრძოლაში.

აქამდე რუსეთის მოქალაქეებისთვის ვიზების გაცემა განუსაზღვრელი ვადით შეაჩერა ლატვიამ.

  • ლატვიის გარდა, ესტონეთი რუსეთის მოქალაქეებს, რომლებსაც მათ მიერ გაცემული შენგენის ვიზები აქვთ, საზღვრებს უკეტავს.
  • ფინეთის პრემიერმინისტრი სანა მარინი ამბობს, რომ არასწორია, როცა რუსეთის მოქალაქეებს ევროპაში თავისუფლად შესვლა შეუძლიათ.
  • ესტონეთის პრემიერმინისტი კი აცხადებს, რომ ევროპაში სტუმრობა პრივილეგიაა და არა ადამიანის უფლება.