ამის შესახებ ინფორმაციას უკრაინული მედია, უკრაინსკა პრავდა ავრცელებს.

რატომ არის მნიშვნელოვანი: თურქული კომპანია, ბაირაქტარი პოლონელებისთვის თანხის გამორთმევას არ აპირებს და სურს, რომ შეგროვებული ფულით ომისგან დაზარალებულ უკრაინელებს დაეხმარონ.

  • რუსეთის შეჭრის შემდეგ ბაირაქტარი უკრაინელების წინააღმდეგობის ერთ-ერთ სიმბოლოდ იქცა.

დეტალები: კომპანიის დირექტორების საბჭოს წერილი პოლონელმა ჟურნალისტმა გამოაქვეყნა.

  • "ჩვენ გვინდა, რომ ამ ადამიანური ჟესტის ნაწილი ვიყოთ";
  • "ბაირაქტარის დრონებს უკრაინელებს უფასოდ გადავცემთ, რათა მათ სამშობლოს დაცვა ყველა შესაძლო გზით შეძლონ".

აქამდე, ბაირაქტარმა იგივე გადაწყვეტილება მიიღო — ლიეტუვას ბაირაქტარი უსასყიდლოდ გადასცა მას შემდეგ, რაც ლიეტუველმა ხალხმა უკრაინისთვის უპილოტო საფრენი აპარატის შესაძენად თითქმის 6 მილიონი ევრო შეაგროვა.

  • მსგავსი განმეორდა 28 ივნისსაც, როცა უკრაინის მოქალაქეებს შეგროვებული თანხა არ გამოართვა და მათ საფრენი აპარატები უფასოდ გადასცა.