კომიკოსი და Family Guys-ს შემქმნელი სეტ მაკფარლენი ახალ კომედიურ სერიალს გადაიღებს, რომელსაც FOX-ის 2017-2018 სეზონში ვიხილავთ.

The Orville ერთ საათიანი კომედიური სამეცნიერო ფანტასტიკა იქნება, რომელიც საკულტო სერიალის, Star Trek-ის პაროდიაა.

ახალი შოუ საშუალო დონის საძიებო ხომალდის USS Orville-ისა და მისი ეკიპაჟის მოგზაურობის შესახებ მოგვითხრობს. ხომალდის კაპიტანი სეტ მაკფარლენის გმირი ედ მერსერია, რომელსაც ოცნება აუხდება და განქორწინების შემდეგ კაპიტნად დანიშნავენ. გახარებული მერსერი კოსმოსური მოგზაურობისთვის ემზადება, რა დროსაც აღმოაჩენს, რომ მისი ეკიპაჟის უფროსი ოფიცერი მისი ყოფილი ცოლია.

ამ ოჯახურ დრამასა და სამეცნიერო კომედიას ფოქსის ეთერში შემოდგომიდან ვიხილავთ.