არიზონაში მცხოვრებ მელანის 2018 წელს ქიმიოთერაპიის გამო თმა გასცვივდა. ამის გამო მელანი დამწუხრებული იყო, რადგან არ უნდოდა, საზოგადოებაში სხვების ყურადღება მიეპყრო და მუდმივად თანაგრძნობა და წუხილი დაემსახურებინა.

ფოტო: MERCEDES BERG PHOTOGRAPHY

"როცა თმა არ გაქვს, სხვებისგან მარტივად გამოირჩევი და კეთილისმსურველი ადამიანებიც კი ისეთ რაღაცებს გეუბნებიან, რაც გულს გტკენს", — განაცხადა მელანიმ.

ამის გამო აღელვებულ მელანის ერთ დღეს შვილმა ხუმრობით შესთავაზა, რომ თმას გაიზრდიდა, რათა დედას ახალი პარიკი ჰქონოდა. მეტმა გადაწყვიტა, დაპირება შეესრულებინა.

ფოტო: MERCEDES BERG PHOTOGRAPHY

27 წლის მეტი, რომელსაც დედის მსგავსი თმა აქვს, თმას ორწელიწადნახევარი იზრდიდა. როცა თმის სიგრძემ 30 სანტიმეტრს მიაღწია, მეტმა ის შეიჭრა და დედასთან ერთად პარიკების სახელოსნოში წაიღო.

ფოტო: MERCEDES BERG PHOTOGRAPHY

მელანიმ ახალი პარიკი მალევე მოირგო და აღფრთოვანებულიც დარჩა. მელანის თქმით, ბედნიერია, რომ თავს ლამაზად გრძნობს. დედამ და შვილმა ახალი ვარცხნილობებით კამერის წინაც იპოზიორეს.