საქართველოში უკრაინის ელჩის მოვალეობის შემსრულებლის, ანდრეი კასიანოვის განცხადებით როდესაც რუსმა დამპყრობლებმა საქართველოს მიწაზე ფეხი დადგეს, უკრაინელები მოძმე საქართველოს გვერდით იდგნენ.

რატომ არის მნიშვნელოვანი: ომის დაწყების პირველივე დღეებიდან შეინიშნება დაძაბული ურთიერთობა უკრაინისა და საქართველოს ხელისუფლებებს შორის.

  • საქართველოს მმართველმა პარტიამ არა ერთხელ ღიად გააკრიტიკა უკრაინის ხელისუფლების წარმომადგენლები.
  • უკრაინის პრეზიდენტმა, ვოლოდიმირ ზელენსკიმ საქართველოდან კონსულტაციებისთვის ელჩიც გაიწვია, შემდეგ კი თანამდებობიდანაც მოხსნა.

რა თქვა კასიანოვმა: "ჩვენი მხარდაჭერა იყო ყოვლისმომცველი და არ შემოიფარგლებოდა მხოლოდ პოლიტიკური და ჰუმანიტარული დახმარებით", — თქვა კასიანოვმა. [მთავარი არხის თარგმანი]

  • "რუსეთმა მშვიდობიან უკრაინულ მიწაზე როცა ომი დაიწყო, ჩვენც გვქონდა მოლოდინი, რომ საქართველო უკრაინას უფრო ეფექტურ მხარდაჭერას გაუწევდა, სამწუხაროდ, ეს არ მომხდარა".
  • "ჩვენი მეგობრული და სტრატეგიული პარტნიორობის გაგება გვაძლევს რწმენას, რომ საქართველო და უკრაინა ერთად ევროკავშირის მეგობარ ქვეყნებთან ერთად გააგრძელებს წინსვლას. ჩვენი ხალხის ნათელი მშვიდობიანი და აყვავებული მომავლისათვის".
  • "უკრაინა გაიმარჯვებს, მტერი დაისჯება და შემდეგ, ევროკავშირის უსაფრთხო გარემოში საქართველოსა და უკრაინას შორის სტრატეგიული პარტნიორობა გააჩენს ახალ შესაძლებლობას და შეიძენს ფუნდამენტურად ახალ მნიშვნელობას".

პასუხად, ქართული ოცნების თავმჯდომარემ კვლავ უკრაინის ხელისუფლება გააკრიტიკა.

  • კობახიძის თქმით, უკრაინას სურს საქართველოში მეორე ფრონტი გაიხსნას.
  • "არის პირდაპირი სურვილი, გამოხატული სურვილი უკრაინის ხელისუფლების მხრიდან, რომ საქართველო გახდეს მეორე ფრონტი. რაც, სამწუხაროდ, კიდევ ერთხელ გაიმეორა კასიანოვმა".