თელავში კონსტიტუციური კანონპროექტის საყოველთა-სახალხო განხილვის მიზნით საორგანიზაციო კომისია საზოგადოების ნაწილს შეხვდა. შეხვედრაზე კომისიის წევრები კონსტიტუციის პროექტთან დაკავშირებით აზრებს გამოთქვამენ და შეკრებილი საზოგადოების მოსაზრებებს ისმენენ.

კანონპროექტის საყოველთა-სახალხო განხილვა უკვე გაიმართა ჩოხატაურსა, ამბროლაურში, ბათუმსა და გორში.

საყოველთაო-სახალხო განხილვის საორგანიზაციო კომისიის შექმნის თაობაზე საქართველოს პარლამენტის დადგენილება 3 მაისით თარიღდება.

კომისიის წევრები არიან:

  • ირაკლი კობახიძე – საქართველოს პარლამენტის თავმჯდომარე (კომისიის თავმჯდომარე);
  • თამარ ჩუგოშვილი – საქართველოს პარლამენტის თავმჯდომარის პირველი მოადგილე;
  • ირმა ინაშვილი – საქართველოს პარლამენტის თავმჯდომარის მოადგილე;
  • სერგი კაპანაძე – საქართველოს პარლამენტის თავმჯდომარის მოადგილე;
  • ზურაბ ჭიაბერაშვილი – საქართველოს პარლამენტის წევრი;
  • ვასილ გონაშვილი – ექსპერტი;
  • თენგიზ შარმანაშვილი – ექსპერტი, საქართველოს პარლამენტის თავმჯდომარის თანაშემწე;
  • ეკა გიგაური – საერთაშორისო გამჭვირვალობა − საქართველოს აღმასრულებელი დირექტორი;
  • თორნიკე ჭეიშვილი – საქართველოს პარლამენტის თავმჯდომარის კაბინეტის მთავარი სპეციალისტი (კომისიის მდივანი).