გადაწყვეტილება სისხლის სამართლის საერთაშორისო სასამართლოს წინასასამართლო პალატამ დღეს მიიღო.

რატომ არის მნიშვნელოვანი: პროკურორმა ამ მოთხოვნით ჰააგის სასამართლოს 10 მარტს მიმართა.

  • მისი შუამდგომლობის თანახმად, არსებობს გონივრული საფუძველი, რათა იფიქრონ, რომ ეჭვმიტანილები ომის დანაშაულების ჩადენაში არიან პასუხისმგებლები.

დეტალები: განცხადებაში ნათქვამია, რომ მათ, სავარაუდოდ, ცხინვალის რეგიონში სამოქალაქო პირების დააკავეს, მოგვიანებით კი დააპატიმრეს.

  • ისინი ცხინვალის საპატიმროში, ე.წ კაპეზეში გადაიყვანეს, სადაც მძიმე პირობებში ამყოფებდნენ და არასათანადოდ ეპყრობოდნენ, სანამ "რუსეთისა და სამხრეთ ოსეთის დე ფაქტო ხელისუფლების მიერ მათი ვაჭრობის ინტრუმენტად გამოყენება არ მოხდა".
  • "გაცვლის შედეგად დაკავებულები იძულებულები გახდნენ სამხრეთ ოსეთი დაეტოვებინათ".

ვისი დაკავების ორდერი გასცა სასამართლომ: მიხაილ მინძაევი, იყო რუსეთის შსს-ის უფროსი პოლიციელი, 2005-დან 2008 წლის 31 აგვისტომდე დე ფაქტო სამხრეთ ოსეთის შს მინისტრი.

  • სავარაუდოდ, პასუხისმგებელია 2008 წლის 8-დან 27 აგვისტომდე ჩადენილი ომის დანაშაულებისთვის (უკანონო პატიმრობა, წამება, არაადამიანური მოპყრობა, პირადი ღირსების შეურაცხყოფა, მძევლების აყვანა, მშვიდობიანი მოქალაქეების უკანონოდ გადაყვანა).
  • გამლეტ გუჩმაზოვი, რუსეთისა და სავარაუდოდ, საქართველოს მოქალაქეც. შესაბამის პერიოდში იზოლატორის ხელმძღვანელი. სავარაუდოდ, პასუხისმგებელია 2008 წლის 8-დან 27 აგვისტომდე ომის დანაშაულებზე (უკანონო პატიმრობა, წამება და არაადამიანური მოპყრობა, ღირსების შელახვა, მძევლების აყვანა და მშვიდობიანი მოქალაქეების უკანონო გადაყვანა).
  • დავით სანაკოევი — იმ პერიოდში სამხრეთ ოსეთის დე ფაქტო ადმინისტრაციის ომბუდსმენი. სავარაუდოდ, პასუხისმგებელია 2008 წლის 8-დან 27 აგვისტოსმდე ჩადენილ ომის დანაშაულებზე (მძევლების აყვანა და მშვიდობიანი მოქალაქეების უკანონო გადაყვანა).

პროკურატურაში ამბობენ, რომ დაკავების განჩინებები გაეგზავნება ყველა რელევანტურ სახელმწიფოს, რათა უზრუნველყონ ამ პირების დაკავება და სისხლის სამართლის საერთაშორისო სასამართლოს წინაშე წარდგენა.