ტრადიციულად, მაისის პირველ ორშაბათს Met Gala-ს ღონისძიება გაიმართა, რომლის წლევანდელი თემაც ასეთი იყო: "მოდის ანთოლოგია ამერიკაში: 'მოოქრული ხანის' ბრწყინვალება".

2022 წლის მეთ გალას თანაორგანიზატორები ანა ვინტურთან ერთად რეჯინა კინგი, ლინ-მანუელ მირანდა, ტომ ფორდი, ადამ მოსერი და ყველასთვის საყვარელი წყვილი — ბლეიკ ლაივლი და რაიან რეინოლდსი იყვნენ.

დიახ, თუ ისინი აქამდე მათი როლებით, გამორჩეული ურთიერთობის ისტორიითა და იუმორის გამო გვიყვარდა, ამ სიას დახვეწილი მოდაც შეემატა.

ფოტო: Angela Weiss / AFP

თუმცა, რაიანი ალბათ არ გვიწყენს, თუ ვიტყვით, რომ არა მხოლოდ ის, არამედ საღამოს დანარჩენი სტუმრებიც კი დაჩრდილა ბლეიკ ლაივლიმ თავისი თვალწარმტაცი კაბით (Versace).

ფოტო: Kevin Mazur / Getty Images

მისი ჩაცმულობა არა მხოლოდ მომხიბვლელი იყო, არამედ მოულოდნელი სიურპრიზებითაც სავსე: ბლეიკ ლაივლის კაბამ პირდაპირ წითელ ხალიჩაზე "განიცადა ტრანსფორმაცია".

ფოტო: John Shearer / Getty Images

შესაძლოა, ლედი გაგაც კი მოგაგონოთ ამან, როცა 2019 წელს წითელ ხალიჩაზე 4 სხვადასხვა კოსტიუმით წარსდგა.

ესეც ლაივლის კაბის ტრანსფორმაციის ამსახველი ვიდეო, რომელშიც გარკვევით ისმის დამსწრე საზოგადოებაში ამ ფაქტით გამოწველი აღფრთოვანება და ოვაციები.

თამამად შეგვიძლია ვთქვათ, რომ ბლეიკ ლაივლისთვის საღამო შედგა და მის კაბას კიდევ ბევრჯერ გაიხსენებენ, როგორც მეთ გალას ისტორიაში ერთ-ერთ საუკეთესო სამოსს.

ფოტო: Getty Images