უკრაინსკაია პრავდას ინფორმაციით, ხერსონში ოკუპანტებმა რუსული პროპაგანდის ტრანსლირება დაიწყეს და ეთერში 24 რუსული ტელე და 3 რადიო არხი გაუშვეს. სახელმწიფო ორგანოზე დაყრდნობით, ისინი წერენ, რომ ქალაქში უკრაინულად მაუწყებლობს მხოლოდ UA Kherson და სხვა რეგიონული არხები ამჟამად გათიშულია.

მედიის ინფორმაციით, ანალოგიური ვითარებაა სხვა რაიონებშიც. გარდა ამისა, გამოცემა წყაროებზე დაყრდნობით წერს, რომ მობილური კავშირი გაწყდა.

მანამდე ხერსონის რეგიონალურმა ადმინისტრაციამ განაცხადა, რომ ოკუპანტებმა სატელევიზიო ანძაც დაიკავს და სავარაუდოდ, აპირებდნენ გაავრცელონ დეზინფორმაცია "რუსეთთან ჩაბარებისა და სამშვიდობო ხელშეკრულების გაფორმების შესახებ". ამაზე დაწერა საგარეო საქმეთა მინისტრმა დმიტრო კულებამაც. მისი თქმით, იგეგმებოდა ეთერში რუსების ჰუმანიტარული დახმარების ყალბი ვიდეოს გაშვება, ასევე ყირიმიდან ჩამოყვანილების "ადგილობრივებად" გასაღებას და ყირიმთან გაერთიანების მოთხოვნით აქციის გამართვა.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში