საქართველოს ბანკის ინიციატივით, პარტნიორ კომპანიებთან ერთად, წითელი ჯვრის მხარდაჭერით, უკრაინელ ხალხს ჰუმანიტარული დახმარება გადაეცემა. ასევე, პარტნიორ სასტუმროებთან ერთად, უკრაინიდან იძულებით გადაადგილებულ პირებს საქართველოს ბანკი უზრუნველყოფს საცხოვრებელი ადგილებით.

ადამიანები, რომლებიც საჭიროებენ სასტუმროში განთავსებას უნდა დაუკავშირდნენ საქართველოს ბანკის სატელეფონო მომსახურების ცენტრს ნომერზე: (0322) 444-444

ფოტო: საქართველოს ბანკი

გარდა ამისა, ნებისმიერ მსურველს, ვისაც სურს, ფინანსური თანადგომა გამოხატოს უკრაინის მიმართ, თანხის ჩარიცხვა შეუძლია საქართველოს ბანკის ფონდის — სიცოცხლის ხის ანგარიშზე — GE97BG0000000551792100

აღსანიშნავია, რომ კამპანიის დაწყებიდან 48 საათში, საქართველოს ბანკის ფონდში, უკრაინის დასახმარებლად უკვე 677 047 ლარი ჩაირიცხა. როგორც საქართველოს ბანკში აცხადებენ, ჩარიცხული თანხა სრულად გადაირიცხება წითელ ჯვარში.

ანგარიშზე თანხის ჩარიცხვა და უკრაინის ჰუმანიტარულ თუ შემდგომ რეაბილიტაციაში დახმარება შეუძლია ნებისმიერ მსურველს.

ანგარიშის ნომერი: GE97BG0000000551792100