24 თებერვალს რუსეთი უკრაინაში შეიჭრა და ომი წამოიწყო. მიმდინარე მოვლენების ფონზე, რა თქმა უნდა, მთელი მსოფლიოს ყურადღების ცენტრში უკრაინა და პრეზიდენტი ვოლოდიმირ ზელენსკია, რომელმაც საზოგადოების განსაკუთრებული პატივისცემა დაიმსახურა.

ვოლოდიმირ ზელენსკი ომის დაწყებიდან დღემდე კიევის დატოვებაზე უარს ამბობს, საზოგადოებას ახალ ინფორმაციას მუდმივად აწოდებს და უკრაინელებს ამხნევებს. მხოლოდ ეს ფაქტები მსოფლიოსთვის საკმარისი იყო იმისათვის, რომ ზელენსკის ყველას პატივისცემა დაემსახურებინა, თუმცა საზოგადოებამ პრეზიდენტის წარსულიც სიღრმისეულად გამოიკვლია და ზელენსკისადმი მისი სიყვარულიც გაორმაგდა.

ვოლოდიმირ ზელენკსი პოლიტიკაში მოსვლამდე ცნობილი მსახიობი და კომიკოსი იყო. ინტერნეტმა კი ახლახან აღმოაჩინა, რომ ამჟამინდელ პრეზიდენტს 2006 წელს უკრაინულ ცეკვავენ ვარსკვლავებში გაუმარჯვია.

ზელენსკის ცეკვის ვიდეო ტვიტერზე ცოტა ხნის წინ გავრცელდა და უკვე 5 მილიონზე მეტი ნახვა აქვს:

"როგორც აღმოჩნდა, ზელენსკიმ 2006 წელს უკრაინულ ცეკვავენ ვარსკვლავებში გაიმარჯვა და ჩანაწერი იმაზე კარგია, ვიდრე წარმოგიდგენიათ"

აღსანიშნავია, რომ ზელენსკი ცნობილ დათვ პადინგტონსაც ახმოვანებს ანიმაციის უკრაინულ ვერსიაში. ინფორმაცია ანიმაციის მწარმოებელმა კომპანიამ და პადინგტონის ინგლისურენოვანი ვერსიის მსახიობმაც დაადასტურეს.

ვოლოდიმირ ზელენსკი პრეზიდენტად 2019 წელს აირჩიეს. პოლიტიკაში მოსვლამდე ის სერიალ Servant of the People-ში უკრაინის პრეზიდენტის როლს ასრულებდა.

ამავე თემაზე: