საქართველოს პარლამენტის ყოფილი დეპუტატისთვის, ვასილ დავითაშვილისთვის ცეცხლსასროლი იარაღიდან სროლის ბრალდებით ერთი პირი დააკავეს. ამის შესახებ On.ge-ს საქართველოს შინაგან საქმეთა სამინისტროში განუცხადეს.

უწყების პრესსამსახურის ინფორმაციით, დაკავებულმა ბრალი აღიარა, მისი პირადი ჩხრეკის დროს კი, სამართალდამცავებმა მაკაროვის ტიპის ცეცხლსასროლი იარაღი აღმოაჩინეს. შსს-ში ამბობენ, რომ ინციდენტი ყოფით საკითხებზე დავას უკავშირდება. შსს საქმეს სისხლის სამართლის კოდექსის 117-ე (ჯანმრთელობის განზრახ მძიმე დაზიანება) და 236-ე მუხლით (ცეცხლსასროლი იარაღის მართლსაწინააღმდეგო შეძენა-შენახვა-ტარება) იძიებს.