შინაგან საქმეთა სამინისტროს ინფორმაციით, მარნეულში მომხდარი განზრახ მკვლელობის ფაქტზე ერთი ადამიანი დააკავეს. მათი ცნობით, დაკავებული 2005 წელს დაბადებული პირია.

"გამოძიებით დადგინდა, რომ ბრალდებულმა ქალაქ მარნეულში, ურთიერთშელაპარაკების ნიადაგზე, 1992 დაბადებული ა.ი. ცივი იარაღის გამოყენებით სასიკვდილოდ დაჭრა და შემთხვევის ადგილიდან მიიმალა. პოლიციამ ა.მ. ცხელ კვალზე დააკავა. სამართალდამცველებმა დანაშაულის ჩადენის იარაღი — დანა ნივთმტკიცების სახით ამოიღეს", — ნათქვამია განცხადებაში.

უწყების ინფორმაციით, გამოძიება სისხლის სამართლის კოდექსის 108-ე მუხლით მიმდინარეობს, რაც 7-დან 15 წლამდე თავისუფლების აღკვეთას ითვალისწინებს.