2011 წლიდან, ყოველწლიურად, ვენის სადაზღვევო ჯგუფი ორგანიზებას უწევს "სოციალური აქტივობის დღეს", რომლის ფარგლებში ჯგუფში გაერთიანებული ყველა კომპანიის თანამშრომლებს შეუძლიათ ერთი სამუშაო დღე გაატარონ მოხალისეებად, კეთილი მიზნების მხარდასაჭერად.

"სოციალური აქტივობის დღის" აღნიშვნაში თანამშრომლები ევროპის 20-ზე მეტი ქვეყნიდან იღებენ მონაწილეობას. ყოველწლიურად ჯგუფის მასშტაბით დაახლოებით 6000 ადამიანი მოხალისეობრივ სამუშაოებს ახორციელებს.

წელს, პანდემიის მიუხედავად, თანამშრომლები "სოციალური აქტივობის დღეს" სასიკეთო საქმეებისთვის კვლავ გაერთიანდნენ.

სადაზღვევო კომპანია ირაო, როგორც ვენის სადაზღვევო ჯგუფის წევრი კომპანია, მრავალი წელია "სოციალური აქტივობის დღის" ფარგლებში მხარს უჭერს სხვადასხვა სახის პროექტებს, მათ შორის კამპანიას "უმანქანოდ რომ იარო", ბერი ანდრიას ფონდის სარეაბილიტაციო სახლის მშენებლობას, სოციალურ საწარმოებთან ერთობლივ ვორქშოფებს და ა.შ.

წელს ირაომ ეკოლოგიასა და გარემოს დაცვაზე გაამახვილა ყურადღება და ამისათვის განახორციელა პროექტი "დაიცავი, გადაამუშავე, გადაარჩინე!". ეს პროექტი ორ ნაწილად გაიყო — პირველ ნაწილში ირაოს თანამშრომლებს CENN-ის დახმარებით ჩაუტარდათ ტრენინგი გარემოსდაცვითი ცნობიერების შესახებ, რომელიც მოიცავდა ისეთ აქტუალურ საკითხებს, როგორებიც არის: კლიმატის ცვლილება და გლობალური დათბობა, ჭარბი მოხმარება, ნარჩენების არასწორი მართვა და ჩვენი, ადამიანების როლი აღნიშნული გამოწვევების მოგვარებაში.

პროექტის მეორე ნაწილში ირაოს თანამშრომლებმა თავიანთი ცოდნა გაუზიარეს მომავალ თაობას. ისინი დაწყებითი კლასების მოსწავლეებს ესტუმრნენ და ჩაატარეს სახალისო გაკვეთილები გარემოს დაცვაზე. გაკვეთილების დასასრულს ბავშვებს გადაეცათ "ბუნების დაცვის ჩემპიონობის" სიგელები. ორივე ეტაპის მიზანია გარემოსდაცვითი ცნობიერების ამაღლება და განსაკუთრებულად მნიშვნელოვანია მომავალი თაობის წვლილი ამ დიდ საქმეში.

"ჩემთვის ყოველ წელს შთამბეჭდავია, თუ რამდენი თანამშრომელი უთმობს დროს საქველმოქმედო ორგანიზაციების მხარდადაჭერას ავსტრიასა და ცენტრალურ და აღმოსავლეთ ევროპაში, რამდენ თავდადებასა და შრომას დებენ ისინი ყოველწლიურად. სულ მცირე დროში სოციალური აქტივობის დღე გადაიქცა ჩვენი ჯგუფის იდენტობის განუყოფელ ნაწილად", — განმარტა რობერტ ლაშოფერმა, Wiener Städtische Versicherung-ის საბჭოს თავმჯდომარემ, რომელიც ვენის სადაზღვევო ჯგუფის მთავარი აქციონერია.

"სოციალური აქტივობის დღეს" თანამშრომლები საკუთარ დროს უთმობენ სხვადასხვა სასიკეთო ინციატივას. მათი ინიციატივები განსხვავდება ორგანიზაციის, ადგილმდებარეობისა და ადგილობრივი საჭიროებების მიხედვით. მაგალითად, Wiener Städtische Versicherung — სადაზღვევო ჯგუფის უმსხვილესი წევრი ავსტრიაში — ახორციელებდა სხვადასხვა პროექტს პარტნიორებთან თანამშრომლობით. მათი პროექტები მოიცავდა ისეთ საქმიანობებს, როგორებიცაა სოციალური სუპერმარკეტების მხარდაჭერა, უსახლკაროთა დაწესებულებაში გაჭირვებული ადამიანებისთვის საჭმლის მომზადება, კერძების დარიგება, ვიზიტები მოვლისა და მოხუცთა სახლებში, ლტოლვილთა თავშესაფრებსა და სამეზობლო ცენტრების საზოგადოებრივ ცენტრებში, ასევე მებაღეობა და ნარჩენების აკრეფა.