ქართუ ჯგუფის საზოგადოებასთან ურთიერთობის სამსახურის უფროსმა გიორგი უძილაურმა, გადაცემა განსხვავებული აქცენტების ეთერში საუბრისას აღნიშნა, რომ შეკვეთილში, ყოფილი პრემიერმინისტრის ბიძინა ივანიშვილის რეზიდენციაში შენდება დენდროლოგიური პარკი, რომელიც "იგივე სიკეთეს მოიტანს, რაც შეიძლება მოიტანოს ბოტანიკურმა ბაღმა, ან დაცულმა ტერიტორიებმა".

მისივე განცხადებით, ამ პარკის საზოგადოებისთვის გახსნა ბიძინა ივანიშვილის სურვილზეა დამოკიდებული, თუმცა ეს მისი ვალდებულება არ არის:

"იგივე სურვილი შეეძლო არ გაჩენოდა მაგალითად ბლექ სი არენას სახელმწიფოსთვის გადაცემაზე, ან სხვა პარკების სახელმწიფოზე გადაცემაზე. ადამიანის ნებაა ეს".

გიორგი უძილაურის თქმით პარკი მაშინ გაიხსნება, როცა მშენებლობა დასრულდება, თუმცა კონკრეტული დრო ამისათვის გაწერილი არ არის.