დღეს ძალიან მარტივია შეარჩიოთ პროდუქცია, რომელიც ზუსტად მოერგება თქვენს მოთხოვნებსა და საჭიროებებს. გამონაკლისი არც გათბობის პროდუქციაა. არსებობს სხვადასხვა დანიშნულების, ელექტრო, გაზზე თუ სხვა საწვავზე მომუშავე დანადგარები. განსხვავებულია მათი სიმძლავრეები თუ ტექნიკური მახასიათებლები.

ტემპერატურის კლებასთან ერთად, ახლა სწორედ ის დროა, რომ კარგად გათვალოთ რა ფართობის გათბობა გსურთ და რა ტიპის პროდუქცია დაგჭირდებათ ამისთვის. იქნებ წყლის გამაცხელებლის დაყენების ან ძველის ახლით შეცვლის დროა? რაც არ უნდა იყოს თქვენთვის საჭირო პროდუქტებს ნოვას მეგაცენტრებში მიაგნებთ. ამასთან ერთად, შეძლებთ ისინი თქვენი ბიუჯეტის მიხედვით შეარჩიოთ.

მანამდე კი მოკლედ გაგაცნობთ ნოვას გათბობის პროდუქციას, რომელიც ზამთრის ცივ თვეებში კომფორტულ გარემოს შეგიქმნით.

გათბობის ქვაბები

ცენტრალური გათბობის სისტემა დღეს ყველაზე დიდი პოპულარობით სარგებლობს. ის არის უსაფრთხოც და ენერგოეფექტურიც. რაც მთავარია, ერთიანი სისტემით ყველაზე მარტივია სასურველი ტემპერატურის შექმნა, შენარჩუნება თუ რეგულირება. ცენტრალური გათბობის სისტემის მთავარი დანადგარი გათბობის ქვაბია, რომლის მრავალფეროვანი სპექტრიც ნოვას მეგაცენტრებში დაგხვდებათ.

გახსოვდეთ ისიც, რომ მისი სწორად შერჩევა არც ისე მარტივია. წინასწარ უნდა გაითვალისწინოთ შენობის ფართობი, ქვაბის სიმძლავრე და მისი სხვა ტექნიკური მახასიათებლები იმისათვის, რომ მან ეფექტიანად და ეკონომიურად შეძლოს თქვენი სახლების გათბობა. თუმცა, ამ პროცესის გამარტივებაში ნოვას კვალიფიციური კონსულტანტები დაგეხმარებიან და თქვენთვის ყველაზე ოპტიმალურ პროდუქტს შეგარჩევინებენ.

გაზისა და ელექტრო გამათბობლები

თუკი, ცენტრალური გათბობის სისტემის დამონტაჟებას ვერ ახერხებთ, არ გსურთ ან არ პასუხობს თქვენს საჭიროებებს, მაშინ შეგიძლიათ არჩევანი გაზისა და ელექტრო გამათბობლებზე შეაჩეროთ.

ამ ტიპის გამათბობლები უკანასკნელ წლებში მნიშვნელოვნად დაიხვეწა, ისინი გაცილებით უსაფრთხო გახდა და მაღალი ეფექტურობის გამო, გაცილებით მოკლე დროში ახერხებს სიცივესთან გამკლავებას.

ნოვაში შეგიძლიათ აირჩიოთ სხვადასხვა სიმძლავრის გაზისა და ელექტრო გამათბობლები. აქვე იპოვით დანადგარებსაც, რომლებიც თერმორეგულატორითა და უსაფრთხოების ავტომატური სისტემებით არიან აღჭურვილი.

წყლის გამაცხელებლები

მართალია, ცხელი წყალი ყველა სეზონზე გვჭირდება, თუმცა, ზამთარში ეს განსაკუთრებით აუცილებელი ხდება. ცივ დღეებში, ბუნებრივია, მეტ ცხელ წყალს მოვიხმართ. გარდა ამისა, ზოგჯერ, ზამთარში წყლის სასურველ ტემპერატურაზე გაცხელებას უფრო მძლავრი მოწყობილობა სჭირდება.

ასე რომ, თუ ჯერ არ გაქვთ ან წელს მის შეცვლას და განახლებას გეგმავთ ნოვაში გაზისა და ელექტრო გამაცხელებლებიც დაგხვდებათ.

ასე, რომ ამ ძირითადი და სხვა საჭირო დეტალებისთვის ნოვას მეგაცენტრებში სტუმრობა ნამდვილად ღირს. იმ შემთხვევაში კი, თუ დისტანციურად ამჯობინეთ პროდუქციაზე მეტი ინფორმაციის მიღებას თუ შეძენას, მაშინ მათ ციფრულ მაღაზიას უნდა ესტუმროთ.