მეტალურგთა, მეშახტე-მაღაროელთა და ქიმიკოსთა პროფკავშირების ინფორმაციით, ზესტაფონის ფეროშენადობთა ქარხანაში დაშავებული 65 წლის კაცი გარდაიცვალა.

მათი ცნობით, 15 ოქტომბერს ქარხანაში სარემონტო საამქროს თანამშრომელთა ბრიგადა სადემონტაჟო სამუშაოებს აწარმოებდა ერთ-ერთ ძველ ობიექტზე, რა დროსაც ესტაკადიდან მილი ჩამოვარდა და 65 წლის კაცს დაეცა, ის დღეს დილით საავადმყოფოში გარდაიცვალა.

"საწარმოში დღეს დილიდან მოკვლევას ატარებს სახელმწიფო შრომის ინსპექტორი, ორშაბათიდან კი მუშაობას ფაქტის კვლევის კომისია დაიწყებს, რომლის შემადგენლობაშიც ზესტაფონის მეტალურგიული მრეწველობის პროფკავშირის წარმომადგენელიც იქნება შეყვანილი", — აცხადებენ პროფკავშირებში.

On.ge აღნიშნულზე დაუკავშირდა შინაგან საქმეთა სამინისტროს და ინფორმაციას განახლებისთანავე შემოგთავაზებთ.