ოსკარის მფლობელი მსახიობი ემა ტომფსონი ნორვეგიულ გადაცემაში სტუმრად ყოფნის დროს, იხსენებს, რომ მას შანსი ჰქონდა დონალდ ტრამპთან ესადილა, თუმცა გარკვეული მიზეზების გამო მათი შეხვედრა ვერ შედგა.

ტომფსონის თქმით, 1998 წელს ის ლოს-ანჯელესში ფილმ Primary Colors პრემიერაზე იმყოფებოდა. ფილმის სიუჟეტი ბილ კლინტონის საარჩევნო კამპანიაზე დაფუძნებული, სადაც ემა ჰილარი კლინტონის პროტოტიპს თამაშობდა, პარტნიორობას კი ჯონ ტრავოლტა უწევდა.

ემა ტომფსონი: "ტელეფონის ზარი გაისმა, როდესაც ვუპასუხე, გავიგონე ხმა - გამარჯობა, დონალდ ტრამპი ვარ. დავიბენი და ვუპასუხე - მართლა? რით შემიძლია დაგეხმაროთ? ტრამპმა მიპასუხა, რომ სურდა, შევხვედროდი ტრამპ თაუერში, სადაც კომფორტულ გარემოს შემიქმნიდა და საერთოდაც, კარგი იქნებოდა, თუ ხანდახან ერთად ვისადილებდით. არ ვიცოდი, რა უნდა მექნა, დავიბენი, ვუპასუხე, კარგი მოვიფიქრებ და გადმოგირეკავთ, მადლობა ზარისთვის-მეთქი, შემდეგ კი ყურმილი გავუთიშე".

ცოტა ხნის წინ ემა ტომფსონის მონაწილეობით დისნეის ფილმი მზეთუნახავი და ურჩხული გამოვიდა.