მიხეილ სააკაშვილი ფეისბუქ გვერდზე IPSOS-ის ეგზიტპოლების შედეგებს აზიარებს და თბილისის მოსახლეობას ხმების დაცვისკენ მოუწოდებს. IPSOS-ის ეგზიტპოლით, ქართული ოცნება 43%-იან ბარიერს ვერ ლახავს და თბილისში მელია ლიდერობს.

"თბილისო! ახლა ხმები უნდა დავიცვათ!" — წერს სააკაშვილი.

დღეს, 20:00 საათის შემდეგ სამი სხვადასხვა ეგზიტპოლის შედეგები გამოქვეყნდა, რომლებიც ერთმანეთისგან განსხვავებულ მონაცემებს აჩვენებს. კერძოდ, Edison Research და IPSOS ამბობს, რომ თბილისში მეორე ტური იქნება, ხოლო GORBI-ის ეგზიტპოლის მიხედვით კახა კალაძეს 51,3%-იანი მხარდაჭერა აქვს. რაც შეეხება პარტიულ რეიტინგებს, Edison Research-ის მიხედვით, ქართული ოცნება 43%-იან ბარიერს ლახავს და 46% აქვს, ხოლო IPSOS-ის (მხოლოდ თბილისი) თანახმად, მმართველ გუნდის შედეგი 38%-ია, GORBI კი ამბობს, რომ ქართულ ოცნებას 47,6%-იანი მხარდაჭერა აქვს.