იმედის დაკვეთით, GORBI-ის ჩატარებული ეგზიტპოლის მიხედვით, მმართველი გუნდი 43%-იან ბარიერს ლახავს. ეგზიტპოლების შედეგები პარტიებზე ასე გადანაწილდა:

  • ქართული ოცნება — 47,6%;
  • ნაციონალური მოძრაობა — 27,1;
  • საქართველოსთვის — 6,8%;
  • ლელო — 2,8%;
  • გირჩი — 2,8%;
  • ევროპული საქართველო — 2,6;
  • ლეიბორისტული პარტია — 1,8;
  • პატრიოტთა ალიანსი — 1,6;
  • გიორგი ვაშაძის მესამე ძალა — 1,3;
  • ალეკო ელისაშვილის მოქალაქეები — 1%;
  • იაგო ხვიჩიას გირჩი — 0,9%;
  • სხვა პარტიები — 3,7%.

რაც შეეხება კანდიდატებს, ეგზიტპოლის მიხედვით, აქაც მმართველი გუნდი ლიდერობს.

  • კახა კალაძე — 51,3%;
  • ნიკა მელია — 34,6;
  • გიორგი გახარია — 5,6;
  • ანა დოლიძე — 3,1%;
  • ანა ბიბილაშვილი — 2,0%;
  • პატრიოტთა ალიანსის კანდიდატი გიორგი ლომია — 1%;
  • რიჩარდ ოგბუნუჯუ — 0,6;
  • მესამე ძალის კანდიდატი თამარ კეკენაძე — 0,2%.

დღეს საქართველოში ადგილობრივი თვითმმართველობის არჩევნები მიმდინარეობს. მოსახლეობა მერებს და საკრებულოების წევრებს ირჩევს. თუმცა ამჯერად ეს არ არის მხოლოდ თვითმმართველობის არჩევნები — მიუხედავად იმისა, რომ ქართულმა ოცნებამ შარლ მიშელის შეთანხმება ანულირებულად გამოაცხადა, ოპოზიცია ამ არჩევნებს რეფერენდუმს უწოდებს. სწორედ ამ დოკუმენტის მიხედვით, იმ შემთხვევაში, თუ ქართული ოცნება თვითმმართველობის არჩევნებზე 43%-ზე ნაკლებს აიღებდა, რიგგარეშე არჩევნები უნდა ჩატარებულიყო. ხელისუფლება დღეს აცხადებს, რომ ამ პირობის შესრულებას არ აპირებს.