ნეიშენალ ჯეოგრაფიკი მსოფლიოს ერთ-ერთი ყველაზე ცნობილი სამეცნიერო-შემეცნებითი ჟურნალია. ძალიან პოპულარულია ამ გამოცემის ვებ-ვერსიაც, რომელსაც ყოველდღიურად უამრავი ადამიანი სტუმრობს.

რუბრიკა Your Shot სპეციალურად იმ ფოტოგრაფებისთვის არის შექმნილი, რომელთაც ნეიშენალ ჯეოგრაფიკთან თანამშრომლობა სურთ. ფოტოგრაფები სხვადასხვა ქვეყნიდან ყოველდღიურად ტვირთავენ ფოტოებს საიტზე და რედაქტორების პასუხს ელიან. დღის განმავლობაში შემოსული ფოტოებიდან რედაქტორები საუკეთესოებს ირჩევენ და ვებგვერდზე ათავსებენ. არ ივიწყებენ არც კომენტარსა თუ შეფასებას, რაც ფოტოგრაფებს პროფესიულ ზრდაში ეხმარება.

გუშინ, 2 მარტს რჩეულ ფოტოებში ქართველი ფოტოგრაფის ნამუშევარი მოხვდა.

ფოტო: Da Miane - და მიანე

ფოტოგრაფ დამიანეს მიერ შექმნილ პორტრეტს ფოტორედაქტორი მეთ ადამსი ასე გამოეხმაურა: მომწონს სურათის კომპოზიცია. ინტერესს იწვევს ის, რომ ქალი მანქანის მინას ეფარება, მართალია, მინა გამჭვირვალეა, მაგრამ ცოტათი ნიღბავს რეალურ სახეს. ხანდახან სწორედ ასეთი პატარა დეტალები ქმნის განსხვავებას და სურათს უფრო მხატვრულს ხდის. ქალის ხელი, რომელიც მანქანის კარს ეყრდნობა, ასევე კარგი მიგნებაა. მომხიბლა ფერებმაც და კონტრასტმაც, რომელიც მხოლოდ ფირზე გადაღებით მიიღწევა. ყოჩაღ!