6 ივნისს, თბილისში, ე.წ. მარაკანას სტადიონის მიმდებარე ტერიტორიაზე, საქართველოს ტექბოლის ფედერაციის ორგანიზებითა და მისი გენერალური პარტნიორის, აჭარაბეთის მხარდაჭერით, გაიმართა ტურნირი ტექბოლში მედია ორგანიზაციების წარმომადგენლებს შორის.

ფოტო: აჭარაბეთი

ტურნირი ჩატარდა წყვილთა თანრიგში და მასში 8 მედია საშუალების გუნდმა მიიღო მონაწილეობა. ტურნირზე წარმოდგენილი იყვნენ: ტელეკომპანია ფორმულას, იმედის, რუსთავის 2-ს, მთავარის, ევრონიუსის, სილკ სპორტისა და ვებ პორტალების აჭარასპორტისა და goal.ge-ს წარმომადგენლები.

ტურნირში საპრიზო ადგილები შემდეგნაირად გადანაწილდა:

  • I ადგილი — აჭარასპორტი — გიორგი ჯაბადარი/გიორგი დოდელია;
  • II ადგილი — Goal.ge — ბაჩო ცალუღელაშვილი/გიორგი ცხადიაშვილი;
  • III ადგილი — იმედი — კოტე მიგინეიშვილი/ლაშა ჩაჩიბაია.

გამარჯვებული მოთამაშეეები დაჯილდოვდენენ აჭარაბეთის და ფონდ არველაძის მიერ დაწესებული პრიზებით.

ფოტო: აჭარაბეთი

საქართველოს ტექბოლის ფედერაცია 2018 წლის 8 აგვისტოს დაფუძნდა და მალევე, 2018 წლის 19 ოქტომბერს გახდა ტექბოლის საერთაშორისო ფედერაციის, ფიტეკის წევრი. ტექბოლი აღიარებულია 2 კონტინენტური ოლიმპიური ასოციაციის მიერ (OCA, ANOCA), ასევე, არის მსოფლიო ანტიდოპინგური სააგენტოს წევრი (WADA).

ტექბოლი 2017 წელს, უნგრეთში შეიქმნა და არის ფეხბურთზე დაფუძნებული სპორტი, რომელიც ძალიან პოპულარული გახდა ახალი თაობის სპორტსმენებში. ტექბოლის თამაშისთვის აუცილებელია სპეციალური მრუდე მაგიდა.