გუმათში ნამახვანჰესის მშენებლობის მოწინააღმდეგეებსა და პოლიციელებს შორის სიტუაცია დაიძაბა. მას შემდეგ რაც აქციის მონაწილეების ნაწილმა რკინის ჯებირებზე ბრახუნი დაიწყო, ნაწილმა სცადა ჯებირებზე მიწოლა. უკან დახევაზე ორგანიზატორების მოწოდების მიუხედვად, სიტუაციის გაკონტროლება ვერ მოხერხდა და სიტუაცია დაიძაბა.

ამ ეტაპზე უცნობია დააკავეს თუ არა ვინმე. On.ge შინაგან საქმეთა სამინისტროსგან პასუხს ელოდება. ადგილზე მობილიზებულია ათეულობით პოლიციელი.

თვალი ადევნეთ On.ge-ს ლაივს აქციიდან.

26 მაისს, გვიან ღამით ნამახვანჰესის მოწინააღმდეგე აქტივისტები გუმათში ჩავიდნენ და კომპანია ენკას მანქანებისთვის ხეობის შესასვლელი გადაკეტეს. ისინი აბრახუნებდნენ რკინის ჯებირზე, რომელიც პოლიციამ გზის გადასაკეტად აღმართა. გუმათჰესთან მთელი ღამის განმავლობაში მობილიზებული იყო პოლიციაც.

შინაგან საქმეთა სამინისტრომ 27 მაისს განაცხადა, რომ ბარიკადების დაზიანებაზე გამოძიება დაიწყეს. აქტვისიტებმა კი აღნიშნეს, რომ ხმაური გაგრძელდება იქამდე, სანამ მოთხოვნები არ შესრულდება.