პატრიარქის პრესმდივანმა, მიქაელ ბოტკოველმა თანამდებობა დატოვა. ამის შესახებ ბოტკოველმა მოამბეს განუცხადა.

"მე პროტესტის ნიშნად ვტოვებ საპატრიარქოს და მე ამიერიდან აღარ ვარ კათოლიკოს პატრიარქის მდივანი. პატრიარქის დაცვის უფროსი, რომ იტყვის პატრიარქის მდივანზე, რომ ის [მდივანი] არის ცრუ და მატყუარა ადამიანი, ეს არის სწორედ ის პრობლემა, რომელზეც საქართველოს საპატრიარქოში ვსაუბრობთ. პატრიარქის დაცვის უფროსი სუბორდინაციულად არის პატრიარქის მდივნის დაქვემდებარებაშიც" - განუცხადა ბოტკოველმა მოამბეს.

ბოტკოველმა On.ge-ს დაახლოებით ერთი საათის წინ განუცხადა, რომ მან მედიასთან ურთიერთობა შეწყვიტა და საპატრიარქოს სახელით აღარ გააკეთებდა კომენტარს.

დღეს, პატრიარქის დაცვის უფროსმა, სოსო ოხანაშვილმა ჟურნალისტებთან საუბრისას განაცხადა, რომ იგი ამჟამად საპატრიარქოშია და აგრძელებს საკუთარ მოვალეობას, მიქაელ ბოტკოველმა კი იცრუა, როდესაც თქვა, რომ ის არ იყო საპატრიარქოში.