აუდიტის სამსახურის ანგარიშის თანახმად, მთის კურორტების განვითარების კომპანიამ 158 702 266 ლარის სამშენებლო სამუშაო ნებართვის გარეშე აწარმოა.

როგორც დოკუმენტშია აღნიშნული, 2018-19 წლებში კომპანიამ 12 ხელშეკრულების საფუძველზე სამშენებლო-სამონტაჟო სამუშაოები ნებართვის გარეშე აწარმოა. კომპანიის განმარტებით, ნებართვის გარეშე მუშაობა ხშირ შემთხვევაში დაკავშირებული იყო მთავრობის განკარგულებებით განსაზღვრული ღონისძიებების შეზღუდულ ვადებში განხორციელების აუცილებლობასთან და მიწის საკუთრებასთან დაკავშირებულ პრობლემებთან.

აუდიტის სამსახური აღნიშნავს, რომ რთული და სპეციფიკური სამშენებლო სამუშაოებიდან გამომდინარე, ასეთი სამუშაოების უნებართვოდ წარმოებამ, შესაძლებელია მნიშვნელოვანი უარყოფითი გავლენა იქონიოს, როგორც გარემოზე, მოსახლეობის უსაფრთხოებაზე და ა.შ.