მარნეულის მერიასთან მომხდარი დაპირისპირების დროს 6 პირი დააკავეს. აღნიშნულზე ინფორმაცია On.ge-ს შინაგან საქმეთა სამინისტროში დაუდასტურეს.

მარნეულის მერიასთან დაპირისპირება მას შემდეგ დაიწყო, რაც ევროპული საქართველოს მერობის კანდიდატს აჰმედ იმამკულიევს რამდენიმე ადამიანთან ერთად მარნეულის მერიის შენობაში შესვლის უფლება არ მისცეს. მისი თქმით, რამდენიმე ახალგაზრდა, მათ შორის სამოქალაქო აქტივისტის, გიორგი მუმლაძის ძმა, მერიის დაქვემდებარებულმა საწარმომ უკანონოდ გაათავისუფლა სამსახურიდან.