მოლდოვის პრეზიდენტმა, მაია სანდუმ ქვეყნის პარლამენტი დაითხოვა. ვადამდელი არჩევნები 11 ივლისს გაიმართება. როგორც რადიო თავისუფლების რუსული სამსახური წერს, საკონსტიტუციო სასამართლომ პარლამენტის დაშალა დასაშვებად სცნო მას შემდეგ, რაც დეპუტატებმა სამი თვის განმავლობაში მთავრობა ვერ დაამტკიცეს.

2019 წლის არჩევნების შემდეგ პარლამენტში ყველაზე დიდი ფრაქციით ყოფილი პრეზიდენტის, იგორ დოდონის პარტია არის წარმოდგენილი, რომელიც პრორუსულად განწყობილ პოლიტიკოსად მიიჩნევა. პარლამენტის დათხოვნის შემდეგ დოდონმა სანდუ დაადანაშაულა, რომ პანდემიის პირობებში ის მოსახლეობაზე არ ზრუნავს.

როგორც პროევროპელმა კანდიდატმა, მაია სანდუმ იგორ დოდონი 2020 წლის შემოდგომის საპრეზიდენტო არჩევნებზე დაამარცხა.