ჯერ კიდევ 2020 წლის აგვისტოში გავრცელდა ინფორმაცია, რომ ერთ-ერთი ყველაზე ცნობილი ანიმაციური სერიალის Powerpuff Girls მიხედვით ახალ სერიალს გადაიღებდნენ. სულ ცოტა ხნის წინ კი ამ შოუს მთავარ როლებზე მსახიობები დაამტკიცეს.

Powerpuff Girls, რომელსაც ქართველი მაყურებელი მეტწილად სუპერძლიერი გოგოების სახელით იცნობს, ბავშვებისთვის განკუთვნილი სათავგადასავლო სერიალია, რომელიც სუპერგმირების ერთგვარი შარჟით მცირეწლოვანი გმირების — ბლოსომის, ბაბლზისა და ბათერქაფის შესახებ მოგვითხრობს.

განსაკუთრებული უნარების მქონე ამ გმირებს, რომლებიც ყველაზე საზარელ მონსტრებსაც კი უშიშრად უპირისპირდებიან, მალე განახლებული სახით ვიხილავთ. აი, მსახიობები, რომლებიც მათ როლებს მომავალ სერიალში მოირგებენ:

ქლოი ბენეტი, რომელსაც, შესაძლოა, სერიალიდან Agents of S.H.I.E.L.D. იცნობდეთ.

ფოტო: Getty Images

ფოტო: Cartoon Network

დავ კამერონი, რომელიც მიუზიკლში Descendants თამაშობს.

ფოტო: Getty Images

ფოტო: Cartoon Network

და ბროდვეის მსახიობი იანა პერო.

ფოტო: Instagram

ფოტო: Cartoon Network

Powerpuff Girls 1998 წელს გამოვიდა და 2005 წლამდე გადიოდა: შოუს შემქმნელებმა სულ 78 ანიმაციური სერია შესთავაზეს მაყურებელს.

ჯერჯერობით უცნობია, თუ რამდენი ეპიზოდი იქნება ამ ანიმაციის მიხედვით გადაღებულ სერიალში ან როდის შედგება მისი პრემიერა, თუმცა ერთგულ მაყურებლებს სიახლეებს ეტაპობრივად აუცილებლად შევთავაზებთ.