რა არის საჭირო იმისთვის რომ მაღაზია, სუპერმარკეტი, ან ნებისმიერი სავაჭრო ობიექტი შეესაბამებოდეს თანამდეროვე ტექნოლოგიურ სტანდარტებს?

დავიწყოთ იმით, რომ პირველი და უმთავრესია პროგრამული უზრუნველყოფა, რომელშიც დაფიქსირდება სავაჭრო ობიექტის ყოველდღიური გაყიდვები და ასევე გაკონტროლდება საწყობში მარაგების რაოდენობა.

მნიშვნელოვანია მოლარის სამუშაო სივრცე — დღეს თითქმის ყველა მაღაზიაში მოლარე სარგებლობს სენსორული ე.წ. თაჩიანი POS-ით, რაც მოლარის სწრაფი მუშაობის ერთ-ერთი მთავარი საშუალებაა.

სავაჭრო ობიექტში აუცილებელია იყოს გადახდის ტერმინალი. მითუმეტეს თუ საქმე ეხება დიდი სუპერმარკეტს, სადაც პროდუქტების მარაგების შესავსებად მიდიან მომხმარებლები. დღეს უფრო და უფრო ცოტა ადამიანი ატარებს ქეშს ყოველდღიურად.

თუ სავაჭრო ობიექტში იყიდება სურსათი ან ისეთი პროდუქცია, რომელსაც აწონვა სჭირდება, აუცილებელია სასწორი, რომელიც ბეჭდავს აწონილ პროდუქტის შესაბამისი ფასის სტიკერს.

ეს არის ის ძირითად სტანდარტი, რასაც მსოფლიოში თანამედროვე სავაჭრო ობიექტების უმრავლესობა შეესაბამება. თუმცა არსებობენ ისეთ გიგანტი კომპანიები რომლებიც, ინოვაციური იდეებითა და ტექნოლოგიების გამოყენებით კიდევ უფრო ამარტივებენ როგორც ადამიანების შრომას სავაჭრო ობიექტებში ისე მომხმარებლებისთვის შოპინგს.

ამ სტატიაში წარმოგიდგენთ მსოფლიოში არსებულ "ჭკვიან მაღაზიებს":

Hema-ს QR კოდები

2016 წელს ჩინეთის ელექტრონული კომერციის გიგანტმა Alibaba-მ გახსნა პირველი Hema მაღაზია ჩინეთში. სუპერმარკეტის მთავარი იდეაა Online და Offline შოპინგის ელემენტების შერწყმა.

მაღაზიაში მომხმარებელს შეუძლია სმარტფონით დაასკანეროს პროდუქტის QR კოდი და ასე მიიღოს პროდუქტებზე მეტი ინფორმაცია— ვადა, შემადგენლობა და ა.შ). გადახდაც Hema-ს აპლიკაციითვე არის შესაძლებელი, რაც გამორიცხავს რიგებს.

7Fresh-ის დამოუკიდებელი ურიკები

ჩინეთში კომპანი JD.com-მა გახსნა მაღალტექნოლოგიური სუპერმარკეტი 7Fresh. ამ სუპერმარკეტის მომხმარებლებს ტრადიციული სასურსათო ურიკების მაგივრად ხვდებათ რობოტი ურიკები. მომხმარებელი შედის სუპერმარკეტში და ირჩევს ურიკას, რომელსაც სულაც არ სჭირდება ხელით მიწოლა — რობოტი თავად დაჰყვება მომხმარებელს სუპერმარკეტში. კომპანიის წარმომადგენლები, ამბობენ რომ ეს პრაქტიკა განსაკუთრებით მოსახერხებელია ბავშვებთან ერთად შოპინგის დროს.

Specsavers’ Frame Styler tool

სათვალის არჩევა შეიძლება ხანგრძლივი და ცოტა დამღლელი პროცესიც კი გახდეს. მომხმარებლები, როგორც წესი ათობით სათვალეს ირგებენ, სანამ მათთვის სასურველ ფორმას მიაგნებენ. იმისთვის, რომ ეს პროცესი გაემარტივებინა, 2018 წელს კომპანია Specsavers–მა მაღაზიაში ახალი სერვისი შემოიტანა.

Frame Styler არის აპლიკაცია, რომელიც მუშაობს მაღაზიაში არსებული ტაბლეტების საშუალებით. ეს აპლიკაცია ასკანერებს და ქმნის მომხმარებლის სახის 3D მოდელს. შემდეგ კი არჩევს სათვალეს, რომელიც ყველაზე მეტად შეესაბამება ადამიანის სახის ფორმას, სქესს და ასაკს. ამგვარად, მომხმარებელს შეუძლია სცადოს ბევრი განსხვავებული სათვალე 3D ფორმატში, და ეს სულ რამდენიმე წუთში.

Nike's Speed Shop

2018 წელს Nike-მა ნიუ იორკში გახსნა მაღაზია სახელწოდებით "Nike House of Innovation 000". მაღაზიის მთავარი იდეაა კიდევ უფრო გაამარტივოს და აასწრაფოს მომხმარებლების შოპინგ გამოცდილება. ამისთვის მაღაზიაში ინტეგრირებულია ონლაინ შოპინგის ელემენტები: Speed Shop-ში შექმნილია საცავები, ე.წ. ლოქერები. ონლაინ შოპინგისას მომხმარებლები არეზერვებენ შერჩეულ ნივთებს, რომლებიც თავსდება ლოქერში. ამის შემდეგ მომხმარებელს შესაძლებლობა აქვს მაღაზიაში მივიდეს, სმარტფონის აპლიკაციით გახსნას ლოქერი და მოირგოს შერჩეული ნივთი. ამისთვის მაღაზიის თანამშრომლების დახმარებაც არ სჭირდება.

Amazon Go–ს ავტომატიზირებული გადახდები

Amazon-მა რევოლუცია მოახდინა Online გაყიდვებში, თუმცა კომპანიაში ფიქრობენ რომ, არც Offline ვაჭრობის განვითარებაა ცუდი იდეა. ნიუ იორკში ფუნქციონირებს ამაზონის სუპერმარკეტი Amazon Go, სადაც მომხმარებელს საერთოდ არ უწევს სალაროსთან გადახდა. ამაზონმა შექმნა ხელოვნური ინტელექტი რომელსაც აქვს "მხედველობა", ანუ რეაგირებს და აფიქსირებს მოძრაობას. ასევე შეუძლია დათვლა. როდესაც მომხმარებელი სუპერმარკეტში შედის ააქტიურებს ამაზონის აპლიკაციას, შემდეგ კი იწყებს შოპინგს. პროდუქტებისთვის არ სჭირდება ურიკა — მომხმარებელს შეუძლია პროდუქტები პირდაპირ საკუთრ ჩანთაში ან ჯიბეში მოათავსოს. ამას აფიქსირებს აპლიკაცია და თითოეულ პროდუქტს ამატებს მომხმარებლის საყიდლების სიაში. ხოლო როდესაც მომხმარებელი ტოვებს სუპერმარკეტს შესაბამის თანხას აჭრის ბარათიდან.
ამგვარად მომხმარებელს აღარ უწევს სალაროსთან რიგში დგომა, უბრალოდ აგროვებს მისთვის სასურველ პროდუქტებს და გამოდის სუპერმარკეტიდან.

Kroger-ის ციფრული ფასები

2018 წელს, ამერიკულმა სასურსათო ქსელმა Kroger-მა დანერგა ციფრული ფასების ტექნოლოგია — Kroger Edge. ამგვარად, მაღაზიის დახლებზე ფასები და პროდუქტის შესახებ სხვა ინფორმაცია ქაღალდის სტიკერების ნაცვლად პატარა მონიტორებზეა გამოტანილი. ეს საშუალებას იძლევა ფასები ძალიან სწრაფად განახლდეს, ყველანაირი ზედმეტი ხარჯის და ენერგიის დახარჯვის გარეშე.

ალბათ, ეს ყველაფერი არაა და მსოფლიოში კიდევ ასობით ისეთი ტექნოლოგია არსებობს, რომელიც კიდევ უფრო ამარტივებს, ასწრაფებს, საინტერესოს და სახალისოს ხდის შოპინგს. ტექნოლოგიების განვითარების ისეთი სწრაფი ტემპით, როგორიც დღეს გვაქვს, ალბათ არ გაგვიკვირდება მალე თბილისშიც თუ შევხდებით სუპერმარკეტში მომხმარებლის გვერდით დამოუკიდებლად მოსიარულე რობოტ ურიკას. თუმცა ალბათ ამ ეტაპამდე მისასვლელად, სხვა სიახლეების გაზიარება და ყოველდღიურობაში დანერგვაა საჭირო.

სიახლეებისთვის მზაობის ერთ-ერთი მთავრი პირობაა ღია სისტემების არსებობა, ანუ ინტეგრაციის შესაძლებლობა სხვადასხვა აპლიკაციებთან, პროგრამებთან, პლატფორმებთან, მოწყობილობებთან. ბალანსის გუნდი უკვე 5 წელია ფინანსურ აღრიცხვასთან ერთად, გაყიდვების ავტომატიზაციაში სპეციალიზდება. პროგრამა ბალანსი კი არის თანამედროვე მინი ERP სისტემა, რომელიც გამოიყენება როგორც მაღაზიის პროგრამა და საწყობის პროგრამა. ბალანსი არის ღია სისტემა — ინტეგრირდება ონლაინ შოპინგის პლატფორმებთან, მაღაზიის მოწყობილობებთან, BI ანალიტიკის სისტემებთან და ა.შ. ამასთან, ბალანსი არის პირველი ქართული საბუღალტრო პროგრამა ქლაუდზე.

ბალანსის ოფიციალურ საიტზე შეგძლიათ გატესტოთ ბალანსის უფასო 1C დემო ვერსია.
ან დაუკავშირდეთ ბალანსის გუნდს - 591 766 766.