იუსტიციის მინისტრის, გოჩა ლორთქიფანიძის განცხადებით, ქსნის სასჯელაღსრულების დაწესებულების ერთი მსჯავრდებული კორონავირუსით გარდაიცვალა. მან ინფორმაცია ამის შესახებ საკოორდინაციო საბჭოს შემდეგ გამართულ ბრიფინგზე, ჟურნალისტს დაუდასტურა.

ლორთქიფანიძე განმარტავს, რომ სიმპტომების დადასტურების შემდეგ პატიმარი გადაიყვანეს სამოქალაქო კლინიკაში, მეშვიდე დღეს კი მისი მდგომარეობა დამძიმდა და შედეგად — გარდაიცვალა.

"უკვე გაჟღერებული გვქონდა სპეციალური პენიტენციური სამსახურის მიერ გაკეთებულ 1-ლი იანვრის განცხადებაში. როგორც კი სიმპტომები დადასტურდა, ეს ადამიანი გადაყვანილი იქნა სამოქალაქო კლინიკაში და სამოქალაქო კლინიკაში უკვე მეშვიდე დღეს მას უფრო დაუმძიმდა მდგომარეობა, სამწუხაროდ, შემდეგ როგორც არის გათვალისწინებული პრაქტიკით, მოხდა აქტირება და ეს არ არის ვთქვათ, მარტო ჩვენთან, პრაქტიკით ხშირად ხდება ამ საფუძვლით ადამიანის აქტირება და ის განთავისუფლდა და შემდეგ, სამწუხაროდ, უკვე სამოქალაქო კლინიკაში მოხდა გარდაცვალება", — აცხადებს ლორთქიფანიძე.

ამავე ბრიფინგზე ლორთქიფანიძემ აღნიშნა, რომ ციხეში პატიმრებს ტესტირება ჩატარებული აქვთ და არავითარი შეშფოთების საფუძველი არ არსებობს.

გაიგეთ მეტი: