ჯანდაცვის მინისტრის პირველმა მოადგილემ, თამარ გაბუნიამ განაცხადა, რომ ქვეყანაში ბოლო 2 დღის განმავლობაში შემთხვევების დაბალი მაჩვენებელი გვაქვს ეს არ ჭეშმარიტი კლების საფუძველზე, ხდება არამედ, იმის გამო, რომ დღესასწაულების პერიოდში, ძალიან ცოტა მიმართვიანობა იყო და ტესტს ნაკლები ადამიანი იკეთებდა. ამის შესახებ მან იმედის ეთერში განაცხადა.

"ვფიქრობ, რომ მომდევნო კვირის განმავლობაში გარკვეული მატება გვექნება, არა იმის გამო, რომ რეალურად მატებაა, არამედ იმიტომ, რომ მეტი შემთხვევა გამოვლინდება. ტესტირების შედეგად დადებითობის მაჩვენებელი კვლავაც რჩება 11%-ის ფარგლებში. ჩვენი მიზანია, ეს მაჩვენებელი შემცირდეს 5%-მდე და ჩამოვიდეს დაბლა. სწორედ ამის შემდეგ გვექნება საფუძველი ვთქვათ, რომ ინფექციის გავრცელების მაჩვენებელი იკლებს და იმის შანსი, რომ შეზღუდვების შემსუბუქების შემდეგ მივიღებთ ახალ პიკს, იქნება ნაკლები. ამდენად, მომდევნო კვირის განმავლობაში ჩვენი მთავარი აქცენტი იქნება გაფართოებულ ტესტირებაზე. ამიტომ, არ უნდა გაგვიკვირდეს, რომ შემთხვევები მოიმატებს", — ამბობს გაბუნია.

3 იანვრის მონაცემებით, საქართველოში კორონავირუსის 417 ახალი შემთხვევა დადასტურდა, გამოჯანმრთელდა — 2 469, ხოლო გარდაიცვალა — 31.